有家人發現，及時報警，有送院，
由醫生宣布死亡的，不計做「問題單位」；
而此等情況，如死者是獨居者，
則單位由房署收回後，不會標註為問題單位；
如死者有同住家人，因此原因申請調遷獲批，
該等單位的標註，
係會歸類落「單位曾發生具心理影響事件」，
而非「單位曾有人自然身故」。
所謂「單位曾有人自然身故」，
十居其九，係死咗一排，
家人一直搵唔到佢，上門搵佢先發現，
甚至係屍體發臭，先被鄰居報警，破門入屋，
呢啲情況，因為已經明顯離世一段時間，
已無從判斷死亡時間，
屍體係唔會送院，而係直接送去殮房；
家人亦唔會留現場，及跟車去殮房，
因為警方同仵工等，
要留現時處理/調查一段時間，
警方亦通常，封鎖現場，唔准家屬入去，
覺得有可疑，會搵法醫驗屍（但好少發生），
送到殮房後，會有電話通知家屬。
因為該等事件，普遍較恐怖，
所以先會當作「問題單位」，不計算一次。
[hr]
來源：
去某租置屋邨，向樓下保安查詢，空置單位乾唔乾淨時，佢話我講果啲乾淨，一人單位就有間「自然身故」；
我話自然身故都冇咩野吖，佢話唔係咁講呀，走咗一排先發現架，個大門都換咗新架；佢再講咗兩三分鐘，好似上面咁講，仲話老人邨，咁樣佢地見唔少。
保安亦稱，所有空置單位，佢地要定期入屋巡查，裡面有張表簽到。
[hr]
果時開始，我發覺以前係咪太單純，
個保安咁解釋，唔係冇道理，
信唔信佢講都好，問多句冇衰；
自此之後，有人話自然身故，
我都會叫佢問清楚，
係有人發現，還是走咗一排先發現；
你問得咁樣要唔要好，
即係你心裡面，實多少有介意/多野諗，
咁你問多幾句，了解清楚，都好應該啫……
相反，唔覺有問題果啲人，
根本就唔會咁樣去問人意見，
佢滿意就直接要咗啦！
而我自己，咁寫就一定會問，
派樓好，買樓好，都係大事，
無謂懶問多一句，將來有咩事後悔。
