魯芬今晨猝逝 面帶笑容安慰家人:冇事,同佢死過!
2017-02-06 13:58:00 HKT
魯芬於農曆新年前已入院,上月29日更新FB,祝大家新年快樂,身體健康。
魯芬88年芬姐經曾志偉介紹拍了人生第一套電影《女子監獄》,她在《九品芝麻官》裡的「烈火奶奶」一角亦令人印象深刻。
資深演員魯芬今晨於博愛醫院病逝,終年63歲。
魯芬家人喺facebook撰文悼念(互聯網圖片)
本月2日,魯芬好友向《蘋果》報料稱,63歲魯芬因皮肌炎,免疫系出問題致留院,還需插喉,甚至已認不得人。同日魯芬致電回覆本報報平安稱:「多謝,有心。身體健康!」又稱現時「暫時情況OK,多謝關心。」並謂對於好友關心表示感激,笑稱:「哈哈,好有愛啊,感恩!」
豈料事隔不足一周,突傳魯芬病逝消息,令人惋惜。
1330:魯芬的家人喺魯芬facebook度撰文悼念,內容大致指,魯芬從不介意角色輕重,都以專業態度演活,為觀眾帶來無限正能量,可惜魯芬不幸患上香港罕見嘅皮肌炎,仲話魯芬得知病嘅罕有性及嚴重性,希望自己痊癒後可以分享,並鼓勵患者要積極面對。魯芬更將自己患病比喻為「導演o依家要我演呢個(病人)角色,我揣摩緊點樣演好佢。」仲面帶笑容安慰家人朋友「冇事,同佢死過!」
1259:演藝人協會回應稱:「魯芬是協會會員,對她的離世感到婉惜,現正聯絡其家人看看是否需要提供協助。」
1048:鄧英敏:普渡圓滿!早登極樂 ! 永遠懷念魯芬姐
1013:魯芬好友張先生今早回覆電話:「昨晚收到通知,魯芬約00:05分離開,好唔開心!呢幾日因為開工,所以冇探佢,其實佢傾唔到偈,WhatsApp都冇應機。年初五最後一次見佢,當時佢插晒喉,面色差咗好多,我叫佢,但佢眼都冇開,可能辛苦或藥物影響瞓覺,姑娘話要打鎮定劑,都知情況唔係幾好!」
姪女張小姐今晨接受《蘋果》訪問時難掩悲痛,但仍保持冷靜謂:「我很愛她。」,又稱:「唔好意思,我哋唔做訪問住,依家忙緊,聽日先講。」並謂魯芬離世時,親人一直守在身邊,遺容安詳。
張小姐續說:「唔好難過,記住佢嘅開心笑臉。」至於魯芬生前是否有未了心願,她說:「沒有。多謝給予空間,夜了,早點睡。」魯芬生前好友、藝人劉少君亦稱已收到魯芬家人透露好友離世的消息。