大台直播節目《超強一分鐘》由主持有森美、錢嘉樂同草蜢,同電視前面觀眾玩遊戲,觀眾登入TVB fun App嘅《超強選擇1分鐘》版面,每晚有2至3條問題,每條問題輸入答案,會喺答啱晒嘅人當中抽出10人,呢10個人有機會各得一萬元,不過,播出以嚟蝦碌百出!
噚晚有讀者向本報爆料,原來節目第三集,主持人錢嘉樂問到第二條答案「你認為以下三位藝人在滑水梯競賽的名次是甚麼?請由第一至第三名依次序排列」嗰陣,唔小心晒出第二條題目嘅答案,「CBA」三個英名字喺螢幕前清楚可見,難怪參加人數有成158420人,得到1000分人數有成145524人,一班主持人懵然不知,仲話有好多觀眾答啱咗,好厲害!呢個真係「超強蝦碌1分鐘」!
網民「高登天后瓊姐」亦喺facebook討論,寫道:「無線直播遊戲節目超強選擇一分鐘,繼死server後再出事!剛播出第三集,第二條遊戲為森美等人於日前預先錄播,而現場主持人錢嘉樂等為廠景直播公布錄影遊戲的結果,卻不慎露出遊戲答案,有網民聯絡本頁指遊戲不公。」