我住港島, 在市區返工, 老婆亦在港島返工, 唔通要我搬去上水,元朗住? 兩老都唔得啦.... 現住樓齡接近四十年既舊邨, 舊邨都己經無所謂, 最大問題係太迫, 四個人住二百四平方呎, 依家啲輪候上樓果啲, 兩個人搬入黎住果個單位, 都大過我四個人住緊果個, 哩啲唔知係乜野政策!
我地哩啲住左咁耐, 真係想換間大間啲, 貴少少租都無所謂, 但仲要比哩個唔公平既 改善居住空間計劃, 攪到等幾年都無得換樓.
我相信大部份申請 改善 既申請人, 都起碼住左超過十年以上. 但房委啲幫助居民改善既政策非常落後, 有樓又唔安排重建居民調入去, 咁又邊度有樓安置原邨居民, 唔安置又點重建呢? 有新樓就比晒輪等候冊果啲. 我地都想快d 比返個單位佢, 但佢換唔到單位比我地, 我地又點搬走, 除非你間屋真係好細, 三個人住一人單位, 又或七,八個人住三,四人單位, 否則都好難揀到自己心水, 年年參加, 年年陪跑.
個改善空間, 對我地哩班住得耐既邨民係最唔公平, 想換都換唔到, 唔生幾多件b, 哩世都唔使旨意換到, 除非等到佢拆樓重建啦. 想換原區調搬, 又話唔比......本帖最後由 storehkg 於 2015-06-25 23:24:59 編輯