|
心情動態：
來自非公營房屋 |
乙明邨地磚老化變跣人陷阱 房協無視隱患
【on.cc東網專訊】雨季仍未正式到臨，防滑地磚已遇上大考驗！「每逢落雨地下就好跣，好多人都跣低過啦，好幾次仲有人跌傷。早排係咁掛紅雨、黑雨，結果就有個婆婆喺平台跌倒，坐咗喺度好耐都企唔番起身，後尾仲要叫白車入醫院。」居於乙明邨的姜先生指出，邨內地磚過於平滑，即使乾爽天氣下行經亦感「跣腳」，直指下雨天情況更甚。
事實上，除地磚「跣腳」外，姜亦不滿屋邨管理不善，以致到處「甩甩漏漏」，「好似輪椅斜道啲膠紙甩晒，平台落完雨幾日都仲有好多積水，有事就淨係貼張紙、放個牌出嚟叫人小心啲。」姜直言不滿屋邨辦事處安全意識不足，即使發生多次意外仍未能吸取教訓，要求房協正視問題。 沙田區議會發展及房屋委員會增選委員葉家明承認，曾接獲街坊反映地磚問題，即使於烈日當空下行走亦感地磚過於平滑。葉指屋邨於80年代初入伙，疑與地磚日久失修、防滑功能老化有關，「入咗伙幾十年，街坊年紀都愈來愈大，房協應該多啲着緊設施管理，如果唔係就會好危險，尤其係呢啲出入口位置，街坊推門出嚟，未必即刻為意到地下係咁跣。」 房協發言人證實，過去1年曾接獲1宗在邨內因地面濕滑而引致絆倒的意外報告，有關個案在紅色暴雨訊號發出當日發生。發言人承認，邨內部分位置的防滑膠貼近期出現自然損耗，辦事處已適時更換及加設防滑貼，以保障居民出入安全；而在大雨過後，辦事處職員會加強清理平台積水，亦會定期巡查邨內公眾地方。不過，發言人重申，屋邨採用的地磚符合安全要求，暫未有計劃重鋪。 「始終都關乎人命安全，希望啲改善措施可以盡快做，將再次發生意外嘅機會減至最低。」沙田區議會地區設施管理委員會主席陳國添坦言擔心雨季一旦來臨，「跣腳陷阱」或再傷人，要求房協盡快於適當位置加設防滑貼，長遠則應考慮更換地磚，以及於每幢大廈的出口加設上蓋，以方便長者出入。 
|
||
|
祝未上樓朋友早日上心水樓；祝已上樓朋友安居樂業！
如果大家有任何疑問或分享, 建議大家在適當分區建立帖子｡
|
|||
