糾結

milhin

糾結

一家3口, 主收入者係我;

理所當然需要我撐起整個家;

每天返工, 放工返屋企執屋教功課, 幫囝囝溫書; 打理囝囝學校所有事情;

當然家務事也要照顧妥當;

放假排節目親子樂(老公是休平日的);

所以通常都係只有我地2母子玩;

老公常常參與唔到, 為免跟囝囝脫節;

我每日都會交流俾老公知道囝囝最近點樣;

當然我都會排下一家3口去下街, 食下飯啦;

如是者開開心心.

直到最近肩頸痛又復發得好厲害, 想停工休息下;

老公大力支持, 但我知道憑老公一份工作係支撐唔到屋企開支;

爭扎再考慮, 為左維持呢個家, 決定又堅持努力工作;

尋晚老公話我知唔夠錢洗, 我好奇怪;

因為佢果份係自己洗, 無理由係唔夠, 一定係有突發事用錢;

細問之下因為唔好意思拒絕好朋友多買了一份保險;

舊有的買了很多年, 沒理由取消;

點解要多洗一份錢去買呢???

每月千幾蚊儲起或者支付囝囝開支, 唔係更好咩?

我一直堅守”貧窮夫妻百事哀”, 千千萬萬唔好為錢嘈;

這次我心糾結.

訴苦完畢

Cherry-Lau

chan328

冷靜傾吓，煩事可解決

回應 #1 milhin


   照CUT單,有咩理由將佢個F嘅佣金建築於你家的財政壓力之上.

jijileung

精打細算不嬲係女人的專長，至於男人…(他只係買咗個保險咪算好羅，如果D錢係冼咗去…)

milhin

回應 #4 DannyTsang


    咁做只會引發我地2公婆鬧交;
最後我投降, 我過錢俾老公.

但我唔會幫手供呢份保險;
其他舊有的, 我仍然會繼續.

我希望一家係開開心心;
我可以照顧囝囝成長之餘;
令我老公無後顧之憂工作;
吸引我老公記掛呢個家;
咩事都好, 家永遠最安全最想立即返屋企.
↑我目標

這一次係確實有氣餒, 但訴完出來舒服多了。
好女要2頭暪, 不能每事講俾媽媽知, 呢度訴苦係最好.

milhin

回應 #5 jijileung


   我老公只係唔明白揹起一個家, 辛苦係有幾大, 計算用錢要幾細微;

所以佢草率多買一份重覆保險, 每月多洗千幾蚊,

我好肉痛之餘, 引發打擊我原動力.

Horribleellis

yee

早排我又係，
因為去年中開始，
感恩我哋生活環境改善咗好多，
有次，我先生去銀行搞啲野，
咁就落叠，比職員游說
買咗份每個月供1800元的保險，
條友仲懶開心番嚟同我講，
又話寫咗受益人係我。
當時我嬲爆，大佬 呢啲保險野，
你唔食，你都要每個月去供款，
而且佢個人都供咗二份啦，
雖然每月供款唔多，幾舊水左右，
但好在現在有個叫咩冷靜期，
我叫佢去銀行取消呢個保險。
結果可以取消又唔使罰錢。
我叫佢每月加我1800家用，
但唔係我袋……
係每月入去囝囝個利是錢戶口。
有錢剩就入 無就使住先，
你話幾好，
唔使個個月規定入比人。

milhin

回應 #9 yee


    但我老公好明顯係幫朋友;

所以佢取消機會率唔大;

我自己暗暗決定, 舊有ga我會繼續供, 但新呢份我唔會俾錢亦都唔會理.


因為唔想再唔開心, 反正我又改變唔到, 我只能夠咁樣做