太平邨單位滲漏10年 房署懶理租戶住發霉屋

VickYeung

太平邨單位滲漏10年 房署懶理租戶住發霉屋

【on.cc東網專訊】 單位天花滲漏多年未解決，公屋租戶終日與霉菌為伍！「樓上單位一有人買咗就裝修，冇幾耐就有水滲落我間屋，滲到間屋發晒霉！」曾太與家人入住居太平邨多年，自屋邨於2002年列入「租者置其屋」計劃後，上層單位於年前出售及完成裝修後未幾，居所客廳及廁所天花即出現滲漏，批蘯亦不斷剝落，從此噩夢便揮之不去，「我哋當年都有諗過買番呢間屋，但一路咁滲水，仲邊夠膽買？」
曾太指曾多次向房署求助，惜問題一直未獲解決，令家人飽受困擾。事實上，記者實地了解期間，發現廚房、廁所及客廳天花均有油漆剝落情況，睡房牆身更長滿烏黑霉菌。為免漆灰剝落弄污物品，曾太需以布塊覆蓋客廳家具。
「啲水如果由廁所滲出嚟，就好可能含有大腸桿菌，啲污水滲咗入天花油漆灰之後，就會滲到成屋都係，就算唔係直接接觸都會影響到健康！」家庭醫生關嘉美指出，滲漏污水或含細菌，或會影響住戶健康，而霉菌更會對患有皮膚敏感、哮喘及其他呼吸道疾病人士構成威脅。
面對住戶指摘，房屋署僅透過管理公司回覆查詢。管理公司發言人表示，今年5月才接獲住戶投訴，已將個案轉介予法團管理公司處理。直至8月下旬法團管理公司才成功聯絡投訴人上層單位，並證實該單位廁所門框有滲水痕迹，已要求業主盡快維修。發言人又稱，已通知投訴人有關情況，並將安排天花鏟灰工程，及在滲漏維修工程完成後安排天花油漆事宜。
食環署發言人則說，該署與屋宇署組成的滲水辦於今年7月接獲投訴後曾到涉事單位了解，經檢測後發現受影響天花濕度低於35％，未達到進行滲水調查指標，惟證實有油漆剝落情況。
立法會房屋事務委員會主席王國興認為，事件擾攘多年仍未解決，已令租戶受盡困擾，要求房署盡快主動為租戶提供協助，「房署作為業主，絕對有責任維護租戶權益，租戶已經受咗咁多年困擾，部門就更加應該快啲認真處理個案，唔好下下用屋邨已經賣咗呢個理由做擋箭牌！」

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

chanyeungc9

間屋點住呀？！房署d人（維修部）係唔係真係咁懶呀？

hkhk

ab6689

novembersec

好慘, 簡直係惡夢.
攪左咁耐, 房署如果解決唔到係咪應該幫佢調遷呢?

wkc

zxc

高腳七

fanbb

ice_maker