香港公營房屋討論區
主頁 » 公共出租房屋 » 擴展市區公屋 » 葵聯邨二期 » 搵承仔裝修既屋點都要收貨...勸大家唔好搵承仔
頁尾 帖尾 顯示所有留言 搜索某用戶之留言 回帖 在本分區發新帖 搜索本分區 搜索
1...46
支持鍵盤翻頁
含上傳圖片/文件之留言 只顯示含上傳圖片/文件之留言

搵承仔裝修既屋點都要收貨...勸大家唔好搵承仔
繼之前既兩個貼,今次終於收貨

講返整體
1..剷底根本就係呃人唔係剷底
2..廚櫃係用D夾板頭頭尾尾整出黎既板做既....
3..所謂用既乳膠漆,最面果層係有少少(鞋),即係加左好多水,只係比房署原本果D好少少
4..佢地批牆油油,係唔會幫你整起D電制先開工,佢地做完之後你個電制面&邊會一舊舊好難睇,要清都有排你清
5..水龍頭,花灑頭俾佢整到甩晒色花晒,仲有D崩崩地.........洗手盆,馬桶都有D位崩左......  承仔果D裝修佬係唔會理你既野,新野都變晒舊野
6..馬桶入面有大量石屎石仔,如果你唔知道搵廁所刷一推入去,你就有可能會塞廁所。。。。。。廚房洗碗盆都係有同樣既情況
7..鋪地磚係唔平,如果你唔著鞋,行一陣已經覺得D地磚 (界)到腳底痛......
8..地腳線果D磚,有D形狀不一,睇落去有D核突
9..廁所門口有件地磚下面係空心,一聽已經知道。
佢打俾我收尾數果時同佢講返有咁既事,佢仲話返我,佢話成屋緊係有一兩件係咁,我話我俾錢唔係話要咁收貨,件磚係櫃底梳化底我都唔理,我日日行果件磚,爆左點好.......
最後佢都叫人整返,係就係整好左......但係佢整上去果件磚係深色D(睇相一睇都睇得出)....唔係原本果批既顏色.......我都費事再同佢地糾纏,整好俾埋D尾數佢....
(睏覺前真係好鬼嬲,我慘到發夢都見到D地磚唔同色...真係好鬼激氣...但係嬲又可以點,唯有拎多張地墊放上去唔俾自己見到)
10..廚房廁所地下俾佢地整到好多白色油漆,即時係清唔到,要用耐D先可以慢慢磨得甩
11..原有既廚房門,廁所門,大門  &所以門框 , 都有撞到花晒,凹晒,崩晒

整得好既都有
本身既牆係唔平,佢批完之後真係平,拎個平水睇真係接近平,同房署本身果D差好多

如果想有個安樂窩,就一定唔同搵佢地做
資金有限,唔介意會出現咁多問題,不妨一試..........
如果你資金有限,又唔想好似我咁煩咁頭痛,有D野真係有錢先慢慢加(例如廚櫃),都唔好搵佢地做

搵承仔裝修,自己遲D都會變裝修佬,好多野都要自己執手尾........唔識變到乜都識,成屋都會有好多工具
預計廚櫃用到3-4年就要換,我自己都怕潮濕個櫃跌落黎
牆身既油,應該都係3-4年要自己油一次....

好多人出POST都淨係話唔好搵承仔,好多人都唔知道點解,都唔會信佢地講既野
到左今日,我只可以話自己蠢,唔信果D人講既野....怪就怪自己窮....

各位,信不信由你,我自己中過招就唔想你地都中招....
新屋入伙係想開開心心,唔係好似我咁日日煩....

唔該可唔可以將我個POST置頂俾多D人睇到
我既目的唔係唱衰承仔,只係將我既慘況講俾大家知

承仔既廚櫃,算唔算夾板?

承仔咁剷底,收唔收貨?

承仔既裝修,一個月都未夠已經裂晒!

未夠一年,承仔批既天花已經開始甩
本帖最後由 siulunlunsiu123 於 2014-09-03 13:22:09 編輯
抱歉! 你無權閱覽或下載此留言的上傳圖片或文件。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁。
分享 分享 讚好人數:13查看名單


分享 分享 讚好人數:1查看名單


分享 分享 讚好人數:1查看名單


真係要睇彩數
分享 分享 讚好人數:2查看名單


其實唔係間間都係咁嘅!!!
分享 分享 讚好人數:1查看名單


慘 慘 慘
你有幾多滿足 就有幾多快樂 
分享 分享 讚好人數:0查看名單


你唔好彩。。。因為好既大有人在。。。
好快到我,窮冇辦法。。。
分享 分享 讚好人數:3查看名單


我咪就係唔好彩果個……………

果件磚真係好銀眼,篤眼篤鼻,但可以點……
你同佢嘈,自己又一定俾人玩
分享 分享 讚好人數:0查看名單


一分錢一分貨, 無計, 揾自己相熟做, 穩陣些小
分享 分享 讚好人數:0查看名單


我都搵承仔做,但無你咁黑仔
分享 分享 讚好人數:0查看名單

頁首 帖首 在本分區發新帖 曾訪分區
1...46
支持鍵盤翻頁
重要提示:為免用戶蒙受損失及為公平起見, 一律嚴禁透露商戶或裝修師傅資料, 違者會被警告, 嚴重者將被禁言甚至禁訪本討論區, 敬請合作。 (詳情) (用戶守則)
抱歉! 你無權回帖。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁

公屋申請速報系統 X
分區表  登記 登錄 頁首 回帖 搜索 頁尾 在本分區發新帖