想喊，老公好憎我屋企人。可以點？

Kathy2

想喊，老公好憎我屋企人。可以點？

因為先生佢啊媽唔肯俾我地住佢屋企。之後有小朋友又租又加我又無工作，又未有公屋。我屋企人都錫我同個仔，就叫我地搬反來住。反來住了四個月。先生脾氣一直都差架啦。我屋企人問佢食飯無。佢只摇頭。望都唔望。之前成日話我媽好入我間房，我媽有時笑笑口同佢講今日個仔啲有棸事。佢當佢無到。我二個侄女係出邊嘈就啲咁啪一聲關門。收工反來直入房，晚上係房自己飲汽水食餅，有時食就叫我幫佢盛飯。，牙又唔刷，涼又唔沖，等早上人未起身就去沖。
佢叫我同個仔就無咁大脾氣。但都有，琴日去bb展，換了二架玩具車反，我去之前已經話我自己拎反來得。你幫我湊仔，反果陳佢怕我拎唔到硬要幫我拎二架車，我揹個仔，但沿途反就黑面，反到來叫佢擺地下唔聽，係都要疊上去，丢上去跌落又來。啪啪聲。我成家人望住，無人敢出聲。
我係咪反錯來住？係咪我錯。要佢委屈係度又要我家人受氣。反來住我有人幫我湊仔又飯食又唔洗租貴樓。係咪錯了？

ym789

家家有本難唸的經……！  

ckk626

(風一樣的女人)

cwc

家家有本難唸的經.難唸不等於唸唔到.兒子交母親揍,兩公婆工作.深水埗,土瓜灣租分契唐樓高層一房一廳三千零搞掂.最好有part-time4-6個鐘放工可賣菜接仔.唔過額又可儲裝修費,不過就辛苦你,但大家都會開心D.祇係一得之見,你可能有更佳變通辦法.諗諗下就會通.加油!

yee

家家有本難唸的經……！x 2最重要睇住小朋友……

fanny2812

這是自尊心問題

Kathy2

唉。。自尊心？我還是他？我真的好唔開心。父母養大我，反轉嫁了個男人對佢地黑面。我媽口就話無事。但次次見佢咁驚我先生。好心痛

羅曼蒂克

yee

你父母對你的愛 真係無私奉獻 幾時都要好好報答父母養育之恩。
可唔可以同你先生講出你樓上的一番話？
大家要明白 想有私人空間 以你們經濟環境嚟講 就要節衣縮食。
但同你父母住就 私人空間就會少好多  但勝在可以慳錢。
好好向你先生講出你內心的心底話。
只有你地互相溝通 先可以將問題解決。
最重要唔好影響小朋友成長。
唯有寄望房署快啲編配單位。