巴西勁輸的聯想

justnot1989

巴西勁輸的聯想

■世界盃巴西大敗德國的一面倒比賽，其實可當作悲情殺戮電影般欣賞。

「打到五比零，就已經想熄電視」。前晚，臉書上見到好些認真的球迷如是說。
對我這種四年一度才睇波的偶發性球迷，卻很偏好大比數的賽事；反正都是一場表演娛樂，認真才輸。一面倒的比賽，當作悲情殺戮電影般欣賞就是。好像亞里士多德曾經講過，悲劇的意義就是要人反省宿命和無常的含義；所以當巴西隊被狂數，我的腦海也哲學地浮現出各種問題：「打入四強，冇理由係魚腩㗎？仲要係主場喎？究竟主場優勢係乜？定係好似台灣牌做莊咁，贏輸都雙計？所以啲人以為做莊好過癮，其實只係過份樂觀嘅亢奮？」
巴西輸七比一，就像《黑天鵝》作者Nassim Taleb所講嘅一樣，未出現之前，完全沒有人相信，但發生之後，就到處都是事後孔明。昨天我見到最多人提出的理論，就像王晶導演的電影情節一樣：「巴西又打假波啦」！這個理論，暫時無法驗證。不過可以肯定，出現這種意想不到的結果，境況跟股災一樣，散戶最是殺傷慘重，但有兩種人，可以從這些場合賺大錢，一種就是Nassim Taleb的信徒，專門細細注買大冷門。另一種，就是背後造市的黑手（假如真的有人有能力造市的話）；按道理，股市難操控，球賽嘛，我真的不敢講。但是今年國際足協特意從國際刑警請了個反貪腐專家，說明了甚麼，不用多講吧。
爆冷是沒有問題的，但是莫名其妙的賽果，最終只會令球迷離棄這個運動，大家看鄰近地區的足運就知道是甚麼一回事。球賽如是，股市亦如是，所以我仍然相信香港股市的優越性和一國兩制的重要。
說遠了，事到如今，巴西的賽後分析，已經沒有市場；正如美國政府的季度GDP增長統計，反映滯後現象，沒有前瞻性。這篇文見光之時，大家亦已經知道德國在冠軍賽的對手，是阿根廷還是荷蘭。現在甚至是誰奪冠，分析的價值也大幅貶值；無錯，預測和期權一樣，時間值，才是投機最耐人尋味的地方。
利世民

hkhk

一早批巴西  前後左右上下冇忽似  我眼光獨到  入二强我閉關面璧

justnot1989

回應 #2 hkhk


   MONDAY MORNING QUARTERBACK

回應 #2 hkhk

一早買冠軍阿根廷 (5.5倍)
德國  (6.5倍)

巴西根本就未入流。

技不如人就話假波，其實有幾多人真正識睇波

DJ音符

巴西每次世界盃輸 每次都有人話係假波。。。如果佢次次贏就冇假嗎。。。好多人連前鋒叫咩名都未識就話假波。。。只知道足球王國巴西。。。個名係王所以無敵？ 7:1呢場睇到佢地好想贏 輸一球全隊都想攻。大衛雷斯想做神打救巴西 一直走上去 可惜再輸一球全隊散哂。。西班牙上次世界盃 歐國家盃 冠軍 但今界世界盃頭場輸5:1分組出局點解又冇人話佢假。。足球根本不會有一隊會唔輸 。。。仲有近年二線國家都進步好多 所以水準比較接近 。。

DJ音符

回應 #4 55


   等收錢
我又要等4年荷蘭次次都輸 希望我死之前可以睇到佢冠軍

回應  55
   等收錢
我又要等4年荷蘭次次都輸 希望我死之前可以睇到佢冠軍
DJ音符 發表於 2014-07-11 13:56:55 原文

唉。。。以前荷蘭三劍俠甘勁都攞唔到，以家真係好難囉。

加上洛賓真係太太太獨食(雖然改左少少)

middlegun

我覺得今屆的巴西隊無論是個人腳法,球星的名氣及球隊的組織都明顯比往時差了很多, 足球王國的美譽不是這樣吧..???? 真是令人十分失望..!!

justnot1989

回應 #8 middlegun


   十年河東....

hkhk

回應 #9 justnot1989


   人選人  吾要朗拿匈奴  卡卡  咁多人都冇位  點講呢