人有三急

justnot1989

人有三急

[url=]適中字型[/url] [url=]較大字型[/url]

■一流一的商場，廁格香定臭，大家未必清楚。

人有三急，泛指：「心急，手急，性急。」心急、性急是性格，我相信大家應該知道是甚麼，手急呢？手急，即是手緊，即是等錢使。再上網查根柢，原來曾經有古書記載，人有三急是指：「入廁所急，結婚入洞房急，老婆在裏面生孩子你在外面等急。」怪不得！入殘廁gathering嘆Coffee，乃是人性，出師有名，名正言順，只是大眾書少讀！
就等我老師上身為大家好好上一課，免得大家出醜。食色，性也！是古聖人之語，不是我作出來的。飲食飲食，又飲又食，邊飲邊食，人家有錢人，特別識飲識食，我等窮人，識個屁咩？逐臭之夫大家又聽過未？臭豆腐夠臭啦，一樣大把人爭住食？榴槤呢？愛之欲其生，惡之欲其死，廁格香定臭，你識聞咩？那可是一流一的商場！上流社會有錢人，識飲，梗係要飲Coffee啦，難道去茶餐廳飲茶走咩，完全不一樣的風味，都話窮鬼真正cheap！
邏輯推理事件重組，一人三急二人六急，「心、手、性；入廁所、洞房、生仔」一齊急，經已是可忍孰不可忍！各位觀眾，六急不夠還有七急，就是色急，臭味相投谷到爆炸要解急，廁格是不二之選否則還可以去邊？二人同行普通廁格邊夠入？一時三刻怎解得了？有片有真相，咁大間都撞到呯呯嘭嘭，痛苦到不斷呻吟，幾辛苦？一次過做足比開門七件事更緊要的七急事，幾急趕呀？繼後香燈，任重道遠，不孝有三，無後為大，教人既焦急又着急，真係急死人！
最後提提大家，不清楚的事不得亂作評論，罵那二人霸佔殘廁妨礙真正使用者是為不對！看來好人好貌，不過證據確鑿擺明是腦殘，是不治之症，點可以罵人咁缺德？

張慧敏