無錢攪裝修...所以只係訂傢俬廚櫃就算...
但一直都好想厠所整假天花, 因為知道唔洗幾個月就一定開始發霉...
本來想自己整, 但老公整親腰骨...所以一直拖拖拖...
又打算買個鏡櫃, 搵樓下窗簾檔師傅上黎鑽洞上牆...
有一日撞見隔離屋裝修師傅...佢話可以順便幫我地整埋... 仲問我地想唔想裝鏡櫃?
我話都想整...係mk見到一個全不绣網$59x...師傅話佢上開大陸, 可以半價幫我地買埋...
仲話呢d野好簡單... 2個鐘攪掂...
就係咁...傾好左價錢就搵左呢個師傅做...
有一日接到師傅電話, 佢係大陸睇緊鏡櫃...
佢話我要求既全不绣網鏡櫃好貴...要$5xx人仔...問我仲買唔買? 佢話一係我自己去mk買, 再約佢另一日黎幫我裝, 如果買就要加少少錢, 但佢就可以同整假天花同一日裝埋...
雖然我好嬲佢咁坐地起價, 但考慮過之後決定加錢比佢算啦...希望順利快快攪掂
點知裝假天花...買唔夠料, 要佢老婆去買, 但又買錯size...裝左5個個鐘都完成唔好... 只好再約第2日再繼續...
琴日佢再去買料, 上到黎又係唔岩size... 又要call佢老婆再去買過...
裝鏡櫃時, 佢竟然叫我老公幫手托住個櫃比佢鑽洞 !!!我老公唔係整親都唔洗搵你做啦!!!
叫佢度位用筆mark位先鑽咪唔洗托囉... 點知佢筆又無, 度呎又無... 真係火都黎呀!!!!
最後又攪左3個幾鐘
本帖最後由 C9Joyce 於 2014-04-04 14:04:22 編輯