今日 一個人去咗深水埗行街買野!(穿着運動套裝)
行下行下覺得有 d 倦,見到前面有一間賣豆腐店舗!
於是入裹面揾張枱坐低,店內唔算係太多人(可能過咗食飯時間)
我點咗豆腐花和煎釀豆腐,
當我食食下嘅時候,有個亜叔行入嚟!坐落我坐緊果張枱喥!
我睇下 隔離重有好多枱無人坐,點解佢偏偏要坐埋嚟!
我無理佢 繼續食。
突然⋯⋯佢問我:可唔可以同佢分一半煎釀豆腐
佢話好大碟,食唔曬 唔想浪費
我無啋佢,但佢又繼續問,我為有答佢,我差不多飽喇!唔好意思幫唔到你
佢笑笑口話唔緊要,又開始講東講西
我見佢老人家可能悶,就由得佢喺喥發翕風
奇怪嘅事嚟喇!佢竟然問我鐘唔鐘意食咖喱
話邊喥邊喥d 咖喱好好食,話請我去食
又話做個朋友等等⋯⋯
救命呀⋯⋯⋯⋯!!!
我用最快嘅時間起身、埋單⋯⋯閃
嘩!走都走唔切
本帖最後由 gagamama 於 2014-03-20 19:21:49 編輯