朋友都可以……

杜拉格斯

朋友都可以……

香港呢個地方比較保守，好多人成日去深圳、東莞、澳門，珠三角基本係港人天下，吉出一片明堂。由於人們思想保守，一般黎講只有情侶之間先會發生關係，極少數情況下朋友間會發生關係，而我比較開放，
值對唔會介意呢方面，朋友又好，情侶又好，大家成年人，冇乜所謂。
記得四年前識左一個女仔，點識﹖我平時鐘意在路邊睇星空、月亮，有一次有個女仔經過，佢好奇望住我，又唔出聲(香港好多人都係咁)，我問佢對呢方面有興趣﹖佢話唔係，我問佢有乜野幫到你﹖
佢話：我想問呢，點樣影星星﹖
我：影星星﹖你想點影﹖就咁影星點﹖
佢：唔係，影到佢轉果d
我：哦，星軌(恒星週日運動)
佢：係啊，我想影，但唔知點影。
我：影呢的要去到好黑的冇乜光地方，同埋相機要設定小小野，再加埋軟件疊相就可以。
佢：咁難唔難﹖
我：唔難，好簡單。你係未想影﹖
佢：係
我：你而家有冇時間﹖
佢：而家﹖
佢：好似有小小懷疑咁
我：如果你有時間同你去運動場果邊教你試影一次，下次你可以自己影，比埋個軟件你。
佢：好啊，但係我得部相機
我：有冇快門線﹖
佢：有
我：咁就得，而家去攞
教左佢之後，大概影左200張，要呢200張合埋一張就會見到星軌，大家交換聯絡電話。三個月之後，忽然間有一日佢打比我，又問影星軌的事，佢話好想影一張360度，我當時問佢乜野360，佢好似表達唔到，我其實知，只係同佢傾多d話題，其實佢想影北方，相機對住北極星，不停影，就會見到星軌好似360度咁轉(見相片)，不過要去遠小小，當時同佢講話要去郊區會影得好小小，因為光害問題，佢即時話好，仲問我幾時去，果陣正是冬天，冬季星空好靚，就約左佢第二晚去西貢北潭涌停車場。
有時我諗緊，一個女仔識左個男仔一陣間，又唔係好熟，就咁同人地去到冇人地方，叫天不應，叫地不聞，真係做乜都冇人知，但係，我正人君子，唔會咁做。黎到目的地就拿拿開個壇教佢影，因為天氣凍，唔快小小影完走人就真係凍死。我同佢講，最快影一小時啦，佢話ok，點知影到半小時，佢話好凍，死火，咁未話不如走啦！凍親就唔好，佢話唔得，我要影一張成功的，影夠一粒鐘，跟住見佢係咁震，咁樣好快凍死佢，唯有比我件大褸佢著，先冇咁凍，但我都好凍。
佢返到屋企一陣間就疊好的相，仲好滿意send比我睇，跟住又不停問我野。
佢：唔見你影呢d作品﹖
我：冇乜興趣
佢：咁你又識影﹖
我：識，星星週日運動，用黎做研究
佢：你讀天文﹖
我：唔係，興趣
佢：我好多時都見到你在路邊睇月光，但冇行埋去
我：好多人都唔會行埋黎，以為我痴x線
佢：哈哈，唔會架﹖點會﹖
我：會，日日都睇同一個月亮，你話係未痴x線﹖
佢：咁其實你睇乜﹖
本來好想答佢，但係佢唔會明，所以就係咁作個答案比佢，打發佢，想佢唔好再問落去。佢又問我有乜野興趣，我未話行街睇戲食飯去沙灘，燒野食，行山咁，點知佢話同佢興趣好似。話搵日約埋去燒野食，去沙灘，去行山，我話好，就約左去燒野食。當日佢同埋佢的朋友一齊去，我當然自己一條友上陣。又過左無耐佢約左我去行山，果日佢自己一個，同埋得兩個人，其實兩個行山好危險，比人打劫就死，唔敢行太遠，去左花果花行左個半鐘就算。可能你會問，呢個女仔點樣﹖靚唔靚﹖又唔係話靚，又唔係話衰，普通女仔一個咁。
待續……

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

大頭熊

得,支持!

amythepooh

回應 #1 杜拉格斯


    你都有好多戀愛故事經驗， 繼續等你的故事  

fony

N年前香港可能保守, 最近十年內香港不知幾咁開放 !
正因為香港人開放, 自己地方玩夠喇, 所以轉下環境再接再厲玩上大陸,
成日去深圳、東莞、澳門，珠三角,因為消費平交通方便,最重要係不停有新面孔嘛。
你又低估左喇, 唔係極少,直頭擺明打友誼波,有情侶又點喎,照打當食生菜。
仲有極度開放果一種,第一次見面即去爆房。

你開放唔介意又點喎,唔代表你一定有收穫既(可能有我地唔知)
思想開放,動作唔開放都冇用既!

gagamama

個女仔太易相信人

fony

韓劇"來自星星的你" 大結局了。你好似拍緊下集......

四年前來自星星的當晚.......
你與她... 每一句對白都記得一字一字咁清楚?
故事內容咁似...電影情節?又似愛情小說?仲比件大褸佢著?咁鬼關心?

大佬,係真先好講喎,否則浪費我打字時間回帖咖。
事關你最近上帖,講唔少你遇見唔同女仔,邊個打邊個講乜野都記得?

sherrychan

等....等....等....

杜拉格斯

回應  杜拉格斯
    你都有好多戀愛故事經驗， 繼續等你的故事  
amythepooh 發表於 2014-03-19 17:48:41

乜冇人睇，唔寫了
打幾千字好辛苦

杜拉格斯

等....等....等....
sherrychan 發表於 2014-03-19 19:56:41

有排你等