感覺好似俾亞哥跣一鑊咁！

亞力山大帝

感覺好似俾亞哥跣一鑊咁！

4月中我二哥因為有公司車用，所以佢隻馬仔就俾我用住先，因為佢都無停車場泊到兩架車！我就無所謂啦，因為我都鍾意揸車既，所以就應承左！條數我都計過，都ok既！

一路同隻馬仔都相安無事，直至呢幾個禮拜，隻馬仔開始頭暈身慶乜都出齊黎啦，無指揮燈、冷氣時有時無..........

呢d都唔緊要，壞咪整囉！但係最谷氣係我打電話俾二哥問佢：冷氣有時唔著喎！佢居然答：係呀，有時唔著架，熄左佢等一陣再開就無野架啦！

過左幾日輪到右邊指揮燈時有時無，我又打去同佢講，佢又話：下~~~~又唔著啦？我之前拆過粒relay出黎洗過就無事啦，你拆出黎洗下試下呀！跟住就收左線！

大佬呀~~~~唔係，係二佬呀~~~~~叫我拆出粒野出黎洗，你都講俾我知係邊度呀粒野，成隻馬大大話話過萬件零件架！你就話學過整車o者，我無呀，我識條毛咩！

仲有呀，我唔係打俾佢既話，我都唔知原來佢係知有呢d問題既，咁就一早單聲呀，搞到好似無良sales咁乜都唔講！如果真係行行下Highway隻馬仔有咩事我墮左馬，睇你點賠番個細仔俾你亞媽呀！

漸漸我都知唔好再靠佢同問佢啦，都係自己去搵書睇、上車會網掃post好過，靠呢D好過靠佢！

後來自己首先試下搞輕盈野先，俾我搵到資料搞番掂指揮燈！慳左幾舊水！

到尋日我決定同有信心可以搞一搞冷氣啦，點知黑仔又埋我身啦！

尋日早左收工去買料返cy早d整冷氣，當我諗住幫隻馬仔開刀既時候，發現佢左後腳點解會扁左既？用氣壓錶一度就知大鑊啦~~~~~漏氣！

咁我就用二佬放係車尾果支補呔野啦，!%$$%^#$ 樽咀都甩埋，仲噴到一面都係，好彩我四眼有眼鏡，如果唔係就出事！又係二佬既野搞到我咁！%&!@#

果一剎那心情真係好唔開心、好down，好想一把火燒左隻馬仔！我做咩無啦啦拿c上身呀？壞左咪掉番俾二佬囉，做咩要搞咁多野o者？佢就公司車，我就幫佢養隻馬仔？喂，養隻馬仔唔係平架！

唉，呻還呻，都要搞掂架，跟住用左成個鐘先換到士啤呔去補呔！（平時其他車換條呔，我唔駛15分鐘，但係呢隻馬d架生又無里頭喎，初頭拿上手都唔知係咩，千斤頂？都唔似既！總之就樣樣靠估！）

跟住搵亞珍落黎食左碗麵順便借燈，食飽之後心情好番D，9點開工整冷氣！終於12:30搞掂！又慳番$XXXX啦！http://cyclub.happyhongkong.com/viewthread.php?tid=7105&page=1&extra=page%3D1###

希望隻馬仔生生性性啦，唔好再咁多頭暈身慶啦！

P.S. 都有件好事既，如果唔係條呔漏氣要補呔，我都唔會撞番6~7年前幫我試、陪我買我第一部車既同事！

pegpeg

覺得你二哥都有小小棟你.... 不過唔好勞氣啦!! 你諗吓, 有時揸住呢隻馬仔出去兜吓風又幾爽架, 係咪!!

debby

你2哥一定係想測試下你識唔識整車啦

話唔識 最後又咪攪掂 叻仔

賈定珍

無事喇, 無事喇. 呻完舒服哂喇.

kenny

呻完就算啦~
做兄弟係咁架啦~ 係咪?

盈富街坊

兩兄弟, 唔搵笨就唔係兄弟啦


[ 本帖最後由 盈富街坊 於 2009-6-26 15:20 編輯 ]

亞力山大帝

原帖由 kenny 於 2009-6-26 13:14 發表


呻完就算啦~
做兄弟係咁架啦~ 係咪?  

原帖由 盈富街坊 於 2009-6-26 15:17 發表
兩兄弟, 唔搵笨就唔係兄弟啦

好兄弟kenny、街坊.........

格古LOK

樓主你老實又感性,又靚仔 你二哥5搵你笨至奇

賈定珍

原帖由 格古LOK 於 2009-6-26 16:49 發表
樓主你老實又感性,又靚仔 你二哥5搵你笨至奇

格古LOK