自從細佬嚴重中風後,我的人生已經冇將來。
老豆退休,冇能力搵錢,阿媽快六十歲,每日做三個鐘兼職幫補下,頂多做多幾年。
我人工唔係多,加埋媽果份先萬幾蚊,細佬果的錢因為有監護令只能用在佢身上,
我地用唔到,又租、又水電煤電話費,每個月清倉,有病都冇錢睇醫生。
遲下細佬賠左保險,佢自己都夠用三五年左右,用完先可以申請綜援,
到時媽又做唔到野,得我份人工,只有走綜援路,而綜援比得幾多﹖
四個人最多12000,唔駛交租同水費都唔係好好用,唉⋯⋯
可能你地會話等細佬好返就可以做野,好老實講,細佬中風中到咁嚴重,
如果有自理能力已經偷笑,唔好諗再工作搵錢。
而我都唔敢諗將來,過一日得一日,而家想去睇場電影都冇錢,
唔好講拍拖結婚,冇,下世先。