裝修保險問題

nlls

裝修保險問題

本人預備裝修一公屋單位.現委託我朋友幫手, 據了解他會找同行幫忙, 至於我問他會否買勞保, 他說不會, 他們自行會買, 我不須負責, 這樣情況下, 我可點做?
他會自行草擬一份工程合約簽名,我是否可加條款'勞保由某人負責", 另第三者保險是否要買, 因所有工程在室內進行,請給意見, 我錢不多, 怕到的時有什麽意外傷亡, 可能賠不上. 可否比些意見, 謝

亞力山大帝

原帖由 nlls 於 2009-6-22 14:00 發表
本人預備裝修一公屋單位.現委託我朋友幫手, 據了解他會找同行幫忙, 至於我問他會否買勞保, 他說不會, 他們自行會買, 我不須負責, 這樣情況下, 我可點做?
他會自行草擬一份工程合約簽名,我是否可加條款'勞保由某人負 ...

一個好問題，我都想借助呢個post，同大家分享下我既經驗！

其實好多係裝修佬自己包保險（但係好多都係「話有保險」），所以您擔心既野係合理既，我個人認為：

1. 合約上可加上條件，最緊要清楚，例如：本合約所訂明之工程，有關施工期間之勞工保險及有關責任，均由xxx（裝修佬）負責，一切與本人無關。（但係大吉利是講句，如果有事的話，業主、住戶、僱主都會上身。）

2. 其實穩陣起見，我認為自己買一份勞保好d，因為法例訂明，僱主/佔用人（因為係您僱用佢黎裝修，所以您係僱主！）有責任購買勞保既！例子：佢個伙計受傷，點知原來佢無買勞保既，最終就會由僱主/佔用人負責。

3. 另外，如果因為您既工程，對第三者做成損失或傷亡，需要賠償的話，第三者保險就好有用啦！好似您所講，主要工程係室內進行，照理整到第三者的機會唔係太大，但唔係絕對無機會！我又講個例子：係搬運材料時，搬運工人唔少心勾爛、撞爛人地既野；因為您裝修期間，導致門口走廊濕，有人跣低受傷！如果係整爛野，就咁賠就無事o者，如果整傷人，就可大可小，因為係呢d情況，最可怕既係叫做「民事追討」既賠償，可以係天文數字！

我只可以分析俾您聽，至於需唔需要，就要您自己衡量下啦！

（如果因為我所講既野，令到任何人不安，敬請見諒！因為我做左咁耐安全主任，係好多時都向唔係太好既方面諗！）

[ 本帖最後由 亞力山大帝 於 2009-6-22 17:02 編輯 ]

盈富街坊

唔該哂呀, 安全大帝主任

格古LOK

大帝主任 分析得好清楚!

nlls

多謝意見, 第一點不明, 如已在文件註明判頭負責, 為何屋主還要負責, 在什麼情形下会上身, 可否舉例? 請問边到買勞保及第三者保險比較便宜?
THANKS

ericceng

原帖由 亞力山大帝 於 2009-6-22 16:59 發表


一個好問題，我都想借助呢個post，同大家分享下我既經驗！

其實好多係裝修佬自己包保險（但係好多都係「話有保險」），所以您擔心既野係合理既，我個人認為：

1. 合約上可加上條件，最緊要清楚，例如：本合約所訂明之工程，有關施工期間 ...

居安思危................是有必要的.............如果唔係一身蟻

kennyip

解釋非常清楚~
我自己都做工程,
勞保三保唔算貴, 有買可以多個保障~

亞力山大帝

原帖由 nlls 於 2009-6-22 18:29 發表
多謝意見, 第一點不明, 如已在文件註明判頭負責, 為何屋主還要負責, 在什麼情形下会上身, 可否舉例? 請問边到買勞保及第三者保險比較便宜?
THANKS

係法例上同合約精神，的確係有效既，但係如果真係有意外 / 損壞 / 損失，而個裝修佬又賠唔起既話，業主、僱主、佔用人好大機會會俾傷者 / 苦主循民事追討。

nlls

我諗為人為己, 自己都要買, 請問边到可以買?可否紹?

VickYeung

　
http://www.styledesign.com.hk/property_tips04.html