被屈無牌養野豬,Uncle標一肚氣!「放豬要牌?漁護署都話冇呢條Law呀!你有冇讀過Law㗎?」Uncle標發火,事緣佢今日突然被愛協人員截停,話佢無牌飼養野生動物,Uncle標聽完無名火起,解釋自己喺救豬之後,已經向漁護署詢問相關條例,點知對方覆法例無提及。
雙方擾攘之後,警方到場,解釋因有市民報案有人虐畜,要將Uncle標帶返警署協助調查,而Tommy仔亦被帶返警署等候漁護署人員檢查。
不過,根據漁護署網頁顯示,野豬在香港屬最大型嘅野生動物,但並非受法例保護。
因帶野豬散步而惹官非嘅Uncle標,喺西貢警署協助調查期間,報稱高血壓不適,召救護車送院檢查。
晚上8時許,Uncle標腰纏押犯鏈,由警員及救護員陪同行出警署嗰陣,向記者講好擔心Tommy仔今晚點過,又大叫「幫我伸張正義!」。
平日寧靜的西貢警署突然傳來一陣慘叫聲,那是豬叫的叫聲,繼而人聲鼎沸,「佢跳出嚟呀!」。昨晚10時許,一隻野豬在警署停車場內亂衝亂撞,大批警員和漁護署人員,手持盾牌、繩網及捉狗索展開圍捕,野豬終被逼至牆角,然後一聲慘叫,獸醫向牠發射麻醉針將牠擊倒,事後由漁護署人員抬走,生死未卜。
Uncle標睇完醫生後,被警員再度帶返西貢警署,調查至凌晨1時許,Uncle標涉嫌虐待動物,獲准以300元保釋離開警署。
Uncle標對事件大感無奈,他表示以前跟「大傻」成奎安拍戲搵食,目前任職裝修工作,自己在西貢南圍有間屋,有成4畝地,好似農莊咁大,所以適合養啲咁嘅動物。