|
心情動態：
來自彩盈邨 |
我中左九龍灣得寶下面個間美x樂奸計啊
早幾日想買冷氣，入左美居x度睇，見部panasonic搖控冷氣(普通機)賣$38xx，佢話可再便$200，我覺得價錢好岩，於是落$200訂，到左裝個日，我再去付埋尾數$3400，俾完錢，一心想帶埋個師傳上去裝啦(尼間野話系咁)！點知臨行前，個光頭佬問我，你家中個冷氣位有冇去水，我話有去水喉，佢話尼部機系要加個去水盆wo，我問幾錢，佢話要加$1600，嚇死人啦！加$1600，咁部機咪要$5200，我唯有被逼話買過另一款樂聲機，佢都話要加去水盆，仲話唔知點解個裝修師傳唔幫我裝埋，(但我沒見過有人系冷氣台下面加去水盆)，我話我之前裝個部hitachi都唔使，佢就全推晒去個裝修度。我沒法啦！錢都付左，可以點！我俾晒錢，佢先咁講，我明知中計，但又好無耐啊！
之後我又問金章啦！佢話搖控個款唔使加去水盒，我就中計啦！([fly]原來佢話搖控個部唔系金章，我仲心想金章也唔便，又加左$100，共$3700，買左部機，但沒留意裝單寫左另一牌子，就系伊來克斯個英文名，我都沒用過金章，仲以為系金章個英文名，)等個師傳上來裝左，我上網一睇，先知買左部垃圾機啊！同美的差不多！我心情直插一千丈啊！生活易報價只是$2xxx乍，我買錯左，買貴左，都唔知。成晚都睡唔著啊！ 仲有，我今日上網查過，話加個去水盆，最貴個間都系$400乍，美x居就話要$1600，明知我唔要尼款就中計啦！ 今晚決定去理論一翻，結果如何，我再上來話大家聽！ 但中左這黑店的計，心是一萬個唔開心啊！  情況有新進展： 我老公昨晚去追問情況，佢都死口話"金章系伊來克斯生產架，伊來克斯都系大昌行代理"，我老公唔夠佢講，只好算啦！ 我聽左之後火都來啊！伊來克斯出面賣$25xx，佢金章$37xx，佢依家用金章價錢來賣伊來克斯？你當我傻架！ 於是放工後，我再去追問，一入去見到光頭老，我就話，我老公話買金章，點解俾部伊來克斯我啊？佢就講一大輪，話什麼都系一間生產，沒騙我，話你買金章系沒搖控的等等等。我一句就講，我只要Z字頭牌子個只金章，沒搖控沒所謂！同埋點解伊來克斯價錢出面賣$25xx，你就當金章價錢$37xx賣啊？佢仲講啊"出面賣$1000又得，$100都得，到時乜都唔包，又話加安裝又話加其它，"我就答佢:安裝加$300，都系$28xx，，點都唔使$37xx。我再追問點解樂聲要加錢裝個去水，日立又話要，佢答話系啊！咪到時漏水自理啦.！我再問"個去水幾錢，系咪唔同質地唔同價錢?"佢話"有膠有不瘦鋼，你老公話要不瘦鋼，所以要加$1600，(我返去問返老公，佢都沒講過話要不瘦鋼，大話精) 最後，佢死死地氣，開過張單我，話金章要訂機，星期1先有貨，到時上來換返(想下都好笑，佢死都唔俾張單我，仲拉我去睇雪櫃，話沒騙我，金章系伊來克斯生產的，的確，上雪櫃個LOCOL真系咁寫，我就問，我部伊冷氣點解沒金章2字，佢就話有的有，有的乜啦，哈哈，當我白癡啊！講咁多，都系想到最後一刻都唔肯換，我唔會上當，佢答應換，我當然笑住咁同意佢講既野啦！但我都系要換) 經過一場角力，終於搞店啦！希望最期1順利換機，有新消息，再來分亨！(讚佢一句，佢把口真系好掂！全香港TOP SALES選舉，非佢莫屬啦) **我今次想全程錄佢音，點知中途有人來電，只錄了一半，不過這刻我發現，錄音的發明真偉大啊！** 27號成功換機啦！好彩乍，今日打去報下價，大昌電器管家賣尼部金章1208只系24xx乍，但中原賣$34xx，但美x樂賣$37xx，都系虧左，但能成功換返，都算啦！蠢一次就夠啦！ [ 本帖最後由 ying2009 於 2009-4-28 19:37 編輯 ] |
||
|
|
|||
|
心情動態：
來自彩盈邨 |
原帖由 maggie 於 2009-4-25 15:39 發表 只是普通機乍 |
||
|
|
|||
|
心情動態：
來自油麗邨 |
原帖由 ying2009 於 2009-4-25 16:51 發表 下次買野要小心d喇,要佢係單到寫明包安裝,今次當買一次教訓lo,唔好唔開心啦  
|
||
|
|
|||
