牛精強同啊芳係一對結婚多年嘅夫婦,
牛精強係一個粗枝大葉、不解溫柔嘅丈夫,
啊芳係一個每日係屋企相夫教子嘅好太太。
有一晚,佢哋兩夫婦係床上有以下一番對話:
啊芳:"老公呀!住喺隔離個啊珍講,佢話佢
老公每一晚臨瞓之前,都同啊珍講"我愛你"
,幾Sweet呀!不如你又好似佢咁呀?"
牛精強:" 咁啊珍個老公點同佢講吖?"
啊芳:"咪啊珍,我愛你咯!"
牛精強:"咩話,啊珍,我愛你?"
啊芳:"係呀!冇嘢嘛?
牛精強:"冇...冇.嘢。"
啊芳:"咁你識做啦!"
牛精強:"好。"
第二晚,啊芳臨瞓前同牛精強講,
啊芳:"啊珍老公臨瞓前講咩呀?"
牛精強:"哦,啊珍,我愛你!"
啊芳:"儍瓜!我係啊芳,唔係啊珍呀!
老公!"
牛精強:"係,啊芳,我愛你。"
第三晚,啊芳臨瞓前故意唔提牛精強,
等到佢瞓著咗,先提佢。
啊芳:"老公,你好似有嘢唔記得講?"
牛精強:"啊珍,我愛你!"
啊芳:"你又叫我啊珍?!"
牛精強:"你俾時間我。"
啊芳:"咁又啱嘅,你平時粗枝大葉,咁鬼粗魯
叫你講呢啲,係唔慣㗎啦,俾時間你慢慢練
啦!"
牛精強:"唔係俾時間我慢慢練,而係俾時間我慢
慢改,因為講慣咗,好難一時間改到口。"
啊芳:"下!咩話?"