第一個缺點:禽日岳父生日 , 岳父岳母舅仔姨仔成班一齊過嚟我屋企食飯,
咁呀開飯時,例牌乾杯啦,跟住我就夾咗隻雞脾俾岳父啦 ! 但
竟然唔記得夾俾岳母呀!事後先記得,衰咗!
第二個缺點:咁呀高高興興食完飯啦,食完飯執碗啦,執完碗
抹檯移檯,點知老婆移檯嘅時候,唔小心扭親隻手
碗 , 跟住我一枝箭去睇下佢隻手有冇事,跟住拿拿聲
揾支正骨水同佢搽啦,姨仔喺側邊話:"嘩!你就幸
福啦!你睇姐夫幾關心你!",跟住老婆露出甜絲絲笑容
,跟住我話:"我梗係關心佢..隻手啦,咁多碗未洗
佢整親隻手,啲碗邊個洗、啲衫邊個洗、個地邊個抹、仲
..", 我未講完,見到我老婆博命單起隻眼,唉!我
都估到發生咩事啦!咪就係我岳母啱啱喺廁所出嚟,喺
我後邊行過!面口黑咗少少啦!算啦!唔講都講咗。