預防裝修受騙

Nicoletsui

預防裝修受騙

有見好多人裝修都一肚氣，分享o下同裝修佬如何交手，希望幫到大家。
最好搵朋友屋企做完而你又覺得ok既，因為太熟既話，隨時之後連朋友都無得做[經常發生]。
自己先用簿寫低你要做乜，因為靠記憶同師傅講點做通常都漏。

1.裝修師傅上門基本度尺，幾多呎櫃、間幾多間房、牆身補灰油油or剷底油油.........

2.佢會返去出張報價單俾你，乜乜幾$，乜乜又幾多$，要留意電位係無得計，只係話$500單  個，$850孖位，完工計。呢個係工程中必定有改變，所以大部分都要加$。
要睇o下有無要做既遺忘無寫係張單到，因為一簽就無仇報。
張單最底會寫：全工程合計幾多，工程照單做好，如有加、改另計。
跟住，講價，呢個睇你功力，總之盡人事，講完價，決定俾佢做，你要係單底加入條款：
如工程中有任何損壞，工程公司承擔一切責任。
如工程有任何延期，工程公司負責客戶損失[通常都係租屋費用]双方簽名一式兩份
如果佢唔肯簽，你搵定第二間都得啦。

3.落實後，仔細度位，用乜料、櫃間隔之類，要出圖，有根有據,你一定要知道工程如何進行，第一日做乜，第二日做乜，直至完工，呢度有兩個用處，用來同佢夾期裝爐具、冷氣等等，另外就係睇o下佢有無按日子工作。全部要寫低！

4.俾$，例如：全工程十萬，第一期三成、第二期三成，完工俾尾數。千萬唔好第一期真係俾足三   成，你可以俾住萬五or兩萬cash，叫佢開工先，過兩日再俾佢，如果佢咁都唔肯開工先，你都  可以問佢攞返，叫第二個做，通常唔係o厄你O個O的公司都肯開工，之後差唔多一個星期睇下佢有無開工，再慢慢俾佢，總之就一路有俾$佢，但永遠都唔足。我試過做左十日都無問我攞  第一期，我仲問返佢，你唔收$架？

5.監工：夜晚上去，搵D識睇既，睇下佢做成點，ok既，你可以去買D飲品留底張紙，請D師傅飲。如果唔ok，第二日殺上去叫佢幫幫手執執佢，要堅定，唔好聽佢老點，因為未俾足$，所以佢會改既。又可以打去佢公司反，不過態度唔好太差，當求佢，保佢大，買佢怕！如果佢阿之阿左串77，唔肯做返好，，等佢收工後換鎖，第佢工作工具都攞唔返，慢慢同佢交涉，同時搵定後備師傅！

6.完工驗收，唔好俾$or唔好俾晒，拖佢幾日至兩個星期，睇下有無野有問題，叫佢做返好，唔做就claim佢，一係你同我做好佢，一係我搵人做同你claim，叫佢二選一。佢唔肯返執就立即換門鎖。

後記：如果真係咁唔好彩，唔好怕麻煩，想真D，如果佢咁把炮，就唔使係度做埋D下三流既行為堃水！

Mimi-Lee

多謝分享

Sugarloaf

多谢分享

(風一樣的女人)

多謝你分享，很有用

李游

多謝提點

關二哥

ducklee2013

多謝分享

Windy

多謝

hkhk

點解咁好經驗?

Nicoletsui

點解咁好經驗?
hkhk 發表於 2013-7-20 21:41:54

因為有家中前輩教路，自己又搞過鋪，搞鋪仲麻煩過搞屋企好多，因為搞鋪要睇閣仔有無入則，
電力夠唔夠推d器材，d位做得岩唔岩，因為係用來做生意，所以一有錯就立即要佢改，係命令，

所以習慣唔聽佢講，我要你咁做你就咁做，唔好咁多野講，因為d租計梗$。
最重要係唔好怕麻煩，裝修新家係開心事，一開始就做咁多功課，我間屋俾你搞得差，我係絕對唔會俾$你，
如果最尾都係要決裂，你認為佢可以做得D乜？最多咪係你屋企門口叫？可以做D咩，佢唔會打你，佢唔敢，
一報警佢真係一$都收唔返。
不過，香港都有好多麻煩，賴皮，唔認數客人，如果你係呢種人既話，我肯定你每次裝修都唔會有好下場！