途經牛下的感覺

盈富街坊

途經牛下的感覺

上星期六出去mega box買完禮物途經牛下, 發覺好多人, 好多影相嘅發燒友, 專業用數碼相機, 長短鏡頭, 甚至普通嘅數碼相機, 手機, 頓時令呢條就快將清拆嘅牛頭角下邨再一次熱鬧起黎, 其實由上兩, 三個月開始每個星期都會有好多人去為呢條將會清拆嘅舊邨影相留念, 但係其實呢d情況不止一次咁出現, 例如:當年嘅荔園遊樂場, 中環天星碼頭, 皇后碼頭等等, 當大家知道將會清拆嘅時候, 往往就會出現一窩蜂走去影相留念, 再去一次懷念過去喺呢d地方嘅經歷, 但係未話要清拆嘅時候未必會有太多人去影相留念, 唔知大家嘅心態係, 反正未拆到拆先為佢影相留念, 死物就話可以等到拆先影相留念, 但係換轉係人呢? 打個比喻, 一個老人家, 係咪要到佢唔再喺你身邊你先會珍惜, 係咪要到死嗰日你先會同佢影相留念呢?當然死物唔可以同人相提並論, 以前影相就話要用菲林, 哂相會好貴, 每一張相都要好小心咁影, 但係依家嘅數碼相機比以前方便得多, 咁大家係咪更加要為身邊嘅人同事多留一d點滴呢!!!!!!!!!

pegpeg

晤, 真係好認同你既講法..... 其實我地真係要對身邊既人 (由其老人家) 俾多d關心 / 關懷...

kenny

無錯!
要珍惜眼前人, 別愛得太遲......

亞力山大帝

絕對認同！

有既時候，好似理所當然，唔會珍惜、愛錫！

無既時候，只會後悔！

既然係咁，就要珍惜眼前，留有最美好既回憶，總好過帶住後悔過活！

格古LOK

世間情何物

ericceng

問世間情是何物， 直教生死相許