關於長沙灣邨不斷延遲交樓：準居民心情...

Man2012531

關於長沙灣邨不斷延遲交樓：準居民心情...

身為長沙灣邨準居民，大家對於長沙灣邨不斷延遲交樓，有滴咩心情？本人就對房署不負責任嘅態度深感憤怒及不滿，系唔系預派咗就等於房署已經作哂嘢？延遲交樓，系咩原因，是否涉及樓宇安全？如果純粹是承辦商單方面因不足夠人手，或其他因素，而未能在合約有效期內交貨，房署是否有無追究其工程延誤嘅法律責任？呢D都是不透明嘅，對我哋又無哂交代，難道佢哋可以對我哋講嘅只有：“嗯…應該系五月尾，可能系六月尾……”

杜拉格斯

有得比未行運
現時起樓好嚴格

幸運王子

佢系負責任先遲'唔系求求期俾你入住,耐心等候

chenlang

只不過等多2個月,不會死的

sty

咁我令願佢整好哂,check好哂野先比樓我,到時搬左入去如果有咩問題仲煩,咁到時又會話點解開初唔整好d,忍多陣好快過,我地哩D未派樓既咪仲慘,淨係自己想像下有樓已經好開心喇!!

Man2012531

回應 4# chenlang


    閣下系唔系肯定只需要再等兩個月，如果系，不煩代表房署講出來，俾大家一個心安。

Man2012531

回應 5# sty


    整好哂系房署及承辦商交樓嘅首要條件，絕對唔系延遲交樓嘅理由。

hin405

你應該感恩,唔係咁多寃氣,點解而家d人會咁,check好d比你地d人住,住得安心d又唔中意,如果求其比你住,到時有咩問題你地又嘈

michelleli214

回應 5# sty


    唔該你等够7年幾派樓，即係2019年，之後再講翻相同嘅說話！你依家未够兩年，當然大把耐性同期待。

Man2012531

回應 8# hin405


    閣下嘅意思就系準時交樓就系求其交差俾你？咁美田邨，豐和邨，來梗嘅啟晴都系求其交差？（下次發表意見請睇清楚標題：長沙灣邨準居民嘅心情）唔該無亂闖，多謝！