|
心情動態：
來自美田邨 |
想呻下.............
新屋而家裝修緊, 係我親戚介紹既裝修師父, 佢報既價比承辦商貴二三千, 咁我諗住自己人介紹, 做得好D, 貴小小無所謂啦.
點知.............我而家煩到死, 未俾佢做, 乜都話得, 無問題. 做左二三十年裝修, 無問題既. 決定俾佢做, 第3日開始黎料, (因為頭兩日剷灰), 做野求其, 連磚牆都唔識砌. 我老公同佢講幾次都唔明, 用磚砌埋俾佢睇, 佢都唔太明. 裝修佬正常係咪會帶燈膽去做野?佢帶左一個, 壞壞地既, 我老公忍唔住去買3個新既俾佢用. 電掣改位, 電線既曲位就咁屈一屈就算, 我老公又忍唔住去買左幾個曲俾佢用. (電掣每改一個逐個計錢架嘛,有一個我老公未講實改唔改, 佢就嗱嗱聲改埋, 驚死我老公改變主意) 一早day1 已經講, 間2間房, 細房(對正廳果度)要留位做一個鋁窗透光, 第2日佢話無應承我地用鋁, 鋁好貴,要成千元一個, 話用木做條軌, 整塊玻璃窗上去就得,我話唔得啊, 第1日已經講左要做铝窗. 講多幾講, 佢先話見係自己人, 幫你做埋啦. 但其實一早已講明要做 叫佢地下舖到同走廊一樣高, 佢點都唔肯!! 天線搬去對面牆, 佢用自己既舊天線, 我老公無佢符,又走去買新天線俾佢用. 唉...........我知裝修係煩, 但估唔到會衰過承仔囉  有d後悔搵佢做啊, 而家做左一半, 唔用佢又唔得!!本帖最後由 Lazy_Baby 於 2013-5-9 14:06:27 編輯
|
||
|
|
|||
|
心情動態：
來自啟晴邨 |
|
||
|
G1255XXX 2013年10月23日 上樓
2020 申請調遷 密度5.3 排14xx 4人
|
|||
