青梅正當時——自製梅子酒與梅子醬

老貓

青梅正當時——自製梅子酒與梅子醬

梅雨季節正是青梅上市時節，於是買左d青梅返屋企，整梅子酒同梅子醬。梅子酒適量小酌可以開胃消滯，消除疲勞（因為梅子屬鹼性），幫助睡眠。
梅子醬可以煮梅子排骨，酸梅鵝/鴨，沖水飲清咽潤喉，開胃消滯，亦可以當果醬食用。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

老貓

梅子酒：
1、青梅選用較熟（顏色黃中帶紅）為佳，梅香濃郁。

2、浸酒前，將青梅的蒂摘掉，用清水洗乾淨，風乾水分，因為呢排都系梅雨天，未等d青梅自然風乾可能已經發左毛，所以我用風筒吹乾。

3、根據我個人嘅口味，青梅、酒、冰糖的比例最好為1：1：1

4、浸梅子酒用雙蒸米酒（30°左右），我覺得最好味，因為曾經用過十幾度嘅米酒同差唔多60°嘅汾酒浸，度數太低，冇酒香，似果汁多d，度數太高，太啃，頂唔順，聞到都想醉，而且掩蓋了青梅的香味。

5、一般浸酒系唔能夠將容器裝滿嘅，最多8分滿，預留空位發酵，常識，大家都知啦。

6、梅子酒通常要發酵幾個月先可以有較佳飲用口感，我一般春季浸，夏末秋初先開始飲。

老貓

梅子醬：

1、我系將舊年浸過酒嘅梅子加埋落新鮮嘅青梅到一齊煮，梅味濃郁豐厚，當然只用新鮮青梅都會好好味。

2、煮梅子醬只需加冰糖同極少量鹽（鹽筋醋力，相信大家都明，無需解釋），冰糖嘅分量隨個人口味，自己邊煮邊試，直至啱味為止。

3、煮梅子醬前，將青梅洗淨放入煲內，加入冰糖，鹽，同小半杯水，因為青梅會出水，所以無需加太多水，慢火煮。

4、剛剛開始煮時，冚蓋約5分鐘（如果青梅比較生，冚蓋時間要耐d），目的使青梅煮軟身，容易壓爛，五分鐘后開蓋，邊攪邊按壓，直至冰糖完全融化，并起膠。

MW611

我中意飲梅子酒,雙蒸米酒大陸果隻浸出黎好飲嘛?

waitinglee

我中意飲梅子酒,雙蒸米酒大陸果隻浸出黎好飲嘛?
MW611 發表於 2013-4-10 09:47:59

我都中意飲梅子酒,

waitinglee

梅子酒：
1、青梅選用較熟（顏色黃中帶紅）為佳，梅香濃郁。
2、浸酒前，將青梅的蒂摘掉，用清水洗乾淨，風...
老貓 發表於 2013-4-10 09:20:26

多謝教路

venny

老貓

我中意飲梅子酒,雙蒸米酒大陸果隻浸出黎好飲嘛?
MW611 發表於 2013-4-10 09:47:59

我一般用【珠江橋牌九江雙蒸】或者【遠航牌九江雙蒸】，飲左冇事。。。味道都幾好丫。。。

yoyohui

彩喜比利

30度做梅子酒....都幾啃