顏汶羽

回應 8# fc_pga


    你淨係識入人數，凡事一定要你死我活既對立咩？如果您係為我地既家好，您就要放下成見，超越對立。

    我係區會度已經同九巴及運輸署表明，28a的乘客多與少，與開辦其他線係唔應該有關的。您聽完錄音，您聽唔到咩？您又唔將我講既講埋出黎？28a同其他巴士線乘客目的地不一樣，載客量多少又有咩相關？九巴是錯！

    作為議員，應該要平衡各方利益，達成共識，落實計劃，唔係企硬。如果我企硬，唔要28a，係咪要彩福居民繼續無全日制巴士？係咪要彩福居民繼續等？這是負責任嗎？

fc_pga

回應  fc_pga
我係區會度已經同九巴及運輸署表明，28a的乘客多與少，與開辦其他線係唔應該有關的。您聽完錄音，您聽唔到咩？您又唔將我講既講埋出黎？28a同其他巴士線乘客目的地不一樣，載客量多少又有咩相關？九巴是錯！
顏汶羽 發表於 2012-10-14 07:21:42

我係有聽晒成段錄音, 我知你有咁講過,
不過我個point依然成立. 九巴係錯,
問題係到時28A客量唔理想的話, 佢地絕對有晒數據支持唔再開線上三彩, 到時你喊都無用.

你身為區議員, 應該都好清楚, 巴士線開線係有套既定機制,
新區入伙通常係搵一兩條線試下, 如果反應好, 就會有第二D線經過或者拉入去;
如果反應唔好, 第時就唔會再有其他巴士線.

其他區根本大把活生生例子.

fc_pga

4. 彩褔行去九龍灣仲快過搭巴士，你會覺得無殘缺既居民，會否比多4.6，付出更多時間搭車去九龍灣?我都相信去觀塘市中心及聯合醫院的乘客會較多

5.28A無轉乘優惠?專時無，我會繼續爭取

6.如果28A最終唔係太多彩褔居民搭，九巴唔肯開其他線比彩褔，呢個責任係咪你負責?九巴作為公共機構，有責任為居民提供足夠的服務，點解唔係九巴？

9. 28A的而且確唔係理想，你有你既難處，但我地居民都有自己難處。作為區議員，不是應該代入居民角色，審視、體會我們的難處嗎?如果您認識顏汶羽，顏汶羽係一個建設者，除了要考慮居民的難處外，我亦會同時考慮政府的難處，平衡兩者的難處，達成共識，落實建設。當然這個建設可能您會話係垃圾，但我相信唔會係，加上企硬不妥協，到頭來顏汶羽贏左掌聲，但無建設能夠落實，最後受苦的只會是居民？我從來不會掌聲，只求大家生活有所改善，我深信我走的路是正確的！
顏汶羽 發表於 2012-10-14 07:13:57

4. 睇下呢度:
http://www.census2011.gov.hk/pdf/fact_sheets/ca/J06t.pdf

淨係計雙彩 (我知唔係計我地選區, 但係計佐敦谷, 包埋安基苑果堆就好麻煩)
同區工作人口1305人, 區內主要工作地點一定係九龍灣同觀塘工貿區,
我當返九龍灣有400人先算, 你估下三彩一日會唔會真係有400人去醫院?

我都話左, 去醫院係緊要, 但係需求唔一定好大,
兜九龍灣再去觀塘巿中心, 相比起兜醫院再去巿中心, 我寧願要前者.
講真, 九龍灣而家有megabox, 人流未必差過巿中心囉.

你睇下條van仔48先啦, 幾多人搭去九龍灣?
但係呢條28A, 行餐死落去都快過搭佢遊花園, 會唔會有返工客搭佢去九龍灣呢?

5. 咁我奉勸你, 唔好爭取轉乘優惠喇, 因為28A最近都要搭到落觀塘巿中心先有得轉車,
都要四個字, 四個字已經夠我行落德福搭巴士去旺角深水步佐敦尖沙咀同新界.
九巴加個轉乘優惠, 之後又無人用, 人地就會話,
"嗱, 我地offer左個轉乘優惠, 俾你地搭28A落觀塘轉車去九龍新界, 係你地唔用"
咁咪封左三彩跨區線之門囉.

6. 你接受左呢條線, 即係你接受左九巴的條件, 無客就唔會再有其他巴士.
九巴有責任提供合理服務, 我一樣好不滿九巴, 但係人地都係商業機構,
你可以遊說佢做我地生意賺錢, 但係人地整D數據話呢度無需求的話,
你係咪可以遊說佢地唔睇數字做人, 走去做蝕本生意?

9. 但係呢度開會前已經有唔少人提出話呢條28A有問題,
點解你唔晌會上面提出我地關注? 定還是你覺得呢條28A無問題?
隔離雙彩個譚議員, 開會當日起碼有提到, 應該先經九龍灣再去觀塘會好D,
起碼好過你好多, 不過佢都係有少少唔夠強硬.

彩喜比利

回應 7# 顏汶羽

真係唔明樓主想點

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

彩喜比利

回應 7# 顏汶羽

全日巴士往返觀塘巿中心....做咗
全日巴士往返聯合醫院，不用搭小巴到坪石轉26M,方便居民覆診
一次過做晒你兩個願望又唔滿意.....,顏議員你明白樓主想點嗎

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

何師傅

只求大家生活有所改善，我深信我走的路是正確的！
顏汶羽 發表於 2012-10-14 07:13:57

顏汶羽

回應 13# fc_pga


   那您快些約isar等人，給我2個時間，與九巴及運輸署會議，充分發表您們的意見

   唔係到時又有d線唔岩你心水，你嘈都無謂

顏汶羽

回應 13# fc_pga


    既然譚議員好我咁多，那您不跟他說您的意見？您不在他的專區發帖？

    您何時約isar等人，一起去與運輸署及九巴會議，反映您的意見？

fc_pga

回應  顏汶羽

全日巴士往返觀塘巿中心....做咗
全日巴士往返聯合醫院，不用搭小巴到坪石轉26M,方便居民覆...
彩喜比利 發表於 2012-10-14 16:59:14

我唔想用呢個比喻, 但係而家即係好似老師叫學生做功課,
學生就交足晒咁多條, 但係條條都有野錯.

我地係需要全日車去觀塘巿中心同聯合醫院, 不過係咪用呢個方式做?
用28A資源, 有冇人叫過一定要跟28A上樂華, 仲要兜多聯合醫院先再落山?

問心, 有好多野, 唔使老師教, 學生都應該要識.

28A無錯係去到觀塘巿中心同聯合醫院, 但係咪一個好的方法?

14B拉上彩福的話, 解決唔到三彩無車去聯合醫院的問題, 但係出牛頭角創紀, 觀塘巿中心快好多.
如果想要一條線做晒聯合醫院同巿中心的話,
何不23M總站改去彩福, 14B拉上樂華,
反正23M樂華最遠只係坐去牛頭角觀塘,
14B又解決到樂華無車去藍田油塘的問題 (留意, 係包埋同樣係佐敦谷選區的樂雅苑)
而23M去巿中心直接好多, 又方便到細路去順利村果頭的學校返學.

呢D咁簡單的idea係咪一定要有人提出, 否則諗唔到?

fc_pga

回應  fc_pga


   那您快些約isar等人，給我2個時間，與九巴及運輸署會議，充分發表您們的意見

   唔係...
顏汶羽 發表於 2012-10-14 22:25:09

你約唔約到weekend先? 我地個個都要返工, 唔知幾點先收工....