有關新28A的數個問題(跪求議員解答)

isar

有關新28A的數個問題(跪求議員解答)

區議員，我想問你有咩理據下支持28A方案?

而九巴在會議上表明，要視乎28A成功與否，才會考慮其他全日巴士線個陣
當時你地有無再審視下，28A現有定線係咪真係會吸引咁多人搭?

CYCLUB有咁多討論新28A方案，你有無睇過，研究下，做足功課，先上區議會討論?

為何28A要收4.6，剩係到觀塘?

為何不延長14B到彩褔，方便更多返工、返學既居民?

14B在觀塘區內服務範圍比28A多，何解不極力爭取14B上彩褔?

彩褔行去九龍灣仲快過搭巴士，你會覺得無殘缺既居民，會否比多4.6，付出更多時間搭車去九龍灣?

你選之前唔係話會聽居民意見，定係聽左就算，立場不改?

如果28A最終唔係太多彩褔居民搭，九巴唔肯開其他線比彩褔，呢個責任係咪你負責?

sytam

強烈要求區議員與我們居民直接對話

我建議顏議員您係彩福邨開返個居民大會 最好邀請埋運輸署同巴士公司落黎一齊傾   並且要求將空地改建為巴士總站與市政大樓

isar

如果區議員真係唔想回答，都係算了吧，再迫都無用
有上黎CYCLUB都唔出聲，係咪有心唔想回應，就等大家定奪吧~

但我真係好唔想見到有人話成功爭取28A呢條不倫不類既線

我依舊會行落九龍灣轉其他車，唔搭28A
我希望，日後有比28A更好的巴士線，可以照顧彩褔居民

28A如果真係吸引唔到彩褔居民乘搭，唔該議員要同九巴、運輸署檢討方案
再搵其他方法吸引我地去搭

上次9號、14B特別班次，開左但唔多人搭，結果無得加班
亦無人去檢討方案，唔去檢討，就原地踏步，我唔希望今次都係咁

28A已經同我地將來有無其他全日巴士線劃上等號，唔小心處理28A，我地以後就只會得28A

fc_pga

顏議員係我地選出來的, 我舊年都有份投票支持的,
但係而家竟然連回答我地既問題都唔肯, 對我地居民意見置諸不理,
係咪做左議員就可以咁呢? 定係想我地三年後換人?

handty

做左成1年議員....成功回應左幾多居民意見呢.. 睇怕唔到選前一年都唔會再上黎呢度積極同大家吹水搞關係

議員見字請反省一下當選前同當選後自己對呢個幫你打出名堂既CYCLUB投入情度

isar

做左成1年議員....成功回應左幾多居民意見呢.. 睇怕唔到選前一年都唔會再上黎呢度積極同大家吹水搞關係

議...
handty 發表於 2012-10-9 22:49:25

老實，顏議員到依家都唔肯答28A既問題，
唯一可以推測既係，佢根本無研究28A既方案，無理解28A方案有咩問題。

都係老實，呢個版佢係主場，佢有權唔覆人既
但佢唔覆人，蝕既都係佢，都係個句啦，佢仲係唔覆人既話，3年後大家就要識做了

顏汶羽

我已於十月2日，在彩福邨每戶信箱放了我的十月份工作報告，已說了我對28a的睇法。亦前今星期二早上及星期四下午共派了2000份單張。

加了，您已經聽了我區會錄音。您和其他人的意見，我已聽到，歸納起來，除了您這個帖幾位朋友持反對意見外，我沒有收到其他彩福邨居民的反對意見。

28a不可能是彩福邨唯一一部全日制巴士，我已在會議上重申，您應該有聽到的。劃線方面，我支持行經聯合醫院及觀塘市中心，因為這是居民需要的。我已多次說過，任何事不是我說一就一，二就二，還要考慮其他人的難處。我知您會話，您寧願唔要，但我作為議員，我不能做出不負責任的行動。

您經常說我沒有回應您，您在信箱沒有收到我的通訊？看不見大堂有貼海報？欄河有掛橫額嗎？有見到我在派單張嗎？還是您很久沒有返彩福邨？

fc_pga

回應 7# 顏汶羽

顏議員, 我夠知道你地派單張, 而居民又無當面同你反對.

但係你試諗下, 居民點解無反對? 因為只要有條線上去, 無論佢地會唔會用到都好,
佢地都實鍾意架, 點會反對有條新巴士線經過自己樓下?

如果今次拉上來的唔係28A, 而係入新界馬料水大埔果條廢線74A,
居民都唔會反對架, 之不過條線根本唔會有人搭嘛.

我想講既係, 呢度反對呢條新線既人唔係得幾個咁少,
麻煩你走去隔離交通版篇文
http://cyclub.happyhongkong.com/...ter%3D604800&page=1
再加埋呢篇
http://cyclub.happyhongkong.com/...38542&extra=&page=1
根本反對聲音就不絕於耳,
條線係咪有心服務我地三彩, 大家心中有數.

你作為議員, 唔係話反對聲音少過不反對的就貿然支持.
議員係社區褓姆, 更加應該做好把關角色.
既然人有反對, 你點解唔思考一下反對既人到底係咩原因反對?
佢地係咪真係乜都反? 一D合理理據都冇?
既然佢地個個都有理由反對的話, 點解你
唔去考慮埋佢地的立場, 提出大家的concern?
唔試下站在用家的立場, 諗下呢條28A對我地係咪真係咁有用?

聯合醫院同巿中心係大家需要的, 但係係咪用呢個方式去做?
係咪要先兜聯合醫院先慢慢塞落巿中心, 趕走晒返工客?
條線又去唔去到秀茂坪, 順利村, 同埋藍田山上堆學校? 方唔方便到返學?
稍為有少少地理常識的, 都知道條線兜上山再落山去巿中心係好兜.

打個比喻, 你要搭lift由十樓落地下, 點知原來部lift係十樓落三樓,
跟住自動上返12樓, 先再停埋8樓, 4樓, 再落地下, 咁你會唔會搭?

就算真係28A+224M合併, 如果有心方便返工客的話,
點解唔係爭取一下, 先經九龍灣, 起碼方便到我地去九龍灣返工, 或者megabox行街,
而係咁樣V字型兜大圈, 最後返到一個我地行幾個字都行到既地方?

你話要"考慮其他人的難處", 咁九巴同運輸署係咪唔肯先去九龍灣再去觀塘? 咁做對其他人有咩難處?

官方文件話28A用6架巴士行, 15分鐘一班,
即係由彩福落到啟業應該都要八個字左右, 直線距離咁近, 要你兜八個字已經好有問題.

醫院係重要, 但係如果為左醫院客直接而趕走晒數目多好多的返工客, 條線就唔會有人搭.

居民梗係唔反對有呢條線架, 問題係到時佢地有幾多個真係會搭?

九巴職員會上已經講到好清楚, 三彩日後有冇全日巴士係視乎28A有冇客.
大家都知九巴係商業機構, 呢樣野應該唔使佢地講, 你一早都知.
點解唔一開始就爭取條好D既定線, 方便我地更多居民,
唔去諗下條線咁行會唔會唔夠客? 而家你支持28A, 而最後唔夠客的話,
三彩日後就真係無全日巴士, 到時應該入邊個數?

isar

首先，好多謝你回應
但係呢，你答非所問呢

你話你十月二日派工作報告
但你睇下我篇野幾時出?9月29號!
你幾時回覆?10月12號

第1篇講28A既文，9月21號，開會前7日!

有咩原因，你上黎都唔肯答我?同埋其他居民?
呢個你的確唔岩，責無旁貸

我就擺明不滿你既表現，我先係標題加句野話你無回應(之後我會刪返)

你做得好，我實贊你喎，但你次次都係咁，人都會有怨氣喎。

你要記住，今時唔同往日，你依家係區議員，每一句說話，每一篇回文，都係要為居民負責的

有人反對就係有人反對，你應該要安撫我地，而唔係唔理我地
你仲有好多關於28A問題未回應，你依然未將你既炸彈拆下來

脾氣我就發完

我自問好少求人
依家當我係度十萬分求你，重新答我幾條問題，好嗎?
如果你答唔到我，當我求你，重新審視/日後檢討28A方案，可以嗎?

1.
為何28A要收4.6，剩係到觀塘?
4.6係觀塘區內已經可以去到藍田，去到旺角，你點解釋?

2.
為何不延長14B到彩褔，方便更多返工、返學既居民?

3.
14B在觀塘區內服務範圍比28A多，何解不極力爭取14B上彩褔?

4.
彩褔行去九龍灣仲快過搭巴士，你會覺得無殘缺既居民，會否比多4.6，付出更多時間搭車去九龍灣?

5.
28A無轉乘優惠?

6.
如果28A最終唔係太多彩褔居民搭，九巴唔肯開其他線比彩褔，呢個責任係咪你負責?

老實，我一向好少留意海報同橫額，我只係著緊於同我自己生活有關既交通問題
近來也沒有聽錄音了，公事私事同樣繁忙

你要記住，走得上黎搵你講幾句，即係重視你，希望你能夠做得更好
希望你比到D實質回應我地

仲有，希望你記得，今年份路線發展計劃，我地係一條全日巴士線都無，呢個係我地最慘痛既經歷
今次我地有28A，無人寫包單，出年份路線發展計劃，我地會有其他巴士

我希望你地每做一樣野前，可以想多一點，看多一點，彩盈俱樂部有好多敢言既居民
係一個好好既寶藏黎，我地唔少人都睇得到28A既問題，區議員，是否應該認真、嚴肅地關注，研究呢個問題?

無人叫你唔要條巴士，但同時你可以提出修訂建議，將28A改為
彩褔-九龍灣-觀塘-聯合醫院-樂華

我已經贊成呢個修訂方案，又做到你既要求，但你又做過D乜?

如果你覺得回覆我既問題係咁困難，我想你係時候要反思下，當日你係度開個專區，目的係乜?
如果你既目的只係傳聲筒，將你既政績講出黎，老實，你係街派下傳單都可以了。

係度開個分板，你就預左有人問你野，有人可能唔妥你，如果真係唔想見到呢D野，
不如審視下呢個專區既去留。

有人鬧28A，有人話唔想見到成功爭取28A，有人話你選之前選之後唔同晒，你又做過D咩去安撫咁多位?
你要記住，呢度唔只我一個出聲，個個都有出聲，就算你真係唔想回我，都請你回覆其他人，可以嗎?

當然，你日後唔回我，我日後都會好似今次咁做。

你要記住，呢個板只要有戶口就睇到你既野。
你想個板日日有人話你十問九唔應，一係答非所問，一係話你出賣居民嗎?

今次28A，好多人都會記住，你想居民記住第一條全日巴士線
定係想居民記住第一條全日既垃圾巴士線?

28A的而且確唔係理想，你有你既難處，但我地居民都有自己難處。
作為區議員，不是應該代入居民角色，審視、體會我們的難處嗎?

顏汶羽

1. 為何28A要收4.6，剩係到觀塘?4.6係觀塘區內已經可以去到藍田，去到旺角，你點解釋? 您問巴士公司，係淘大坐上樂華都收4.2，我要求減價多次，巴士公司同樣唔理

2. 為何不延長14B到彩褔，方便更多返工、返學既居民? 我支持，我會繼續爭取，與28a落實無關

3. 14B在觀塘區內服務範圍比28A多，何解不極力爭取14B上彩褔?你點解知我無極力？我支持，我會繼續爭取
4. 彩褔行去九龍灣仲快過搭巴士，你會覺得無殘缺既居民，會否比多4.6，付出更多時間搭車去九龍灣?我都相信去觀塘市中心及聯合醫院的乘客會較多

5.28A無轉乘優惠?專時無，我會繼續爭取

6.如果28A最終唔係太多彩褔居民搭，九巴唔肯開其他線比彩褔，呢個責任係咪你負責?九巴作為公共機構，有責任為居民提供足夠的服務，點解唔係九巴？

7. 你篇文9月21號出，我10月2日已經派了工作報告回應。第一，這個專區是cyclub開設的，不是我開設的，我與您一樣都是在這裡看及回應，與大家交流。我沒有即時回覆就是我的問題？要考慮這個專區的去留，那您問cyclub負責人。我又看不到其他專區的朋友，有我回覆得大家咁密

8. 我希望你地每做一樣野前，可以想多一點，看多一點，彩盈俱樂部有好多敢言既居民
係一個好好既寶藏黎，我地唔少人都睇得到28A既問題，區議員，是否應該認真、嚴肅地關注，研究呢個問題? 我當然知道，有很個個別個案都有cyclub pm我，我亦跟進不少問題，棋盤、乒乓球台、便利店等等

9. 28A的而且確唔係理想，你有你既難處，但我地居民都有自己難處。作為區議員，不是應該代入居民角色，審視、體會我們的難處嗎?如果您認識顏汶羽，顏汶羽係一個建設者，除了要考慮居民的難處外，我亦會同時考慮政府的難處，平衡兩者的難處，達成共識，落實建設。當然這個建設可能您會話係垃圾，但我相信唔會係，加上企硬不妥協，到頭來顏汶羽贏左掌聲，但無建設能夠落實，最後受苦的只會是居民？我從來不會掌聲，只求大家生活有所改善，我深信我走的路是正確的！