運輸署及九巴建議28A/224M合併, 延長至彩福

fc_pga

運輸署及九巴建議28A/224M合併, 延長至彩福

我隔離交通版已經開左文:
http://cyclub.happyhongkong.com/viewthread.php?tid=37711

詳情可以睇區議會文件:
http://www.districtcouncils.gov....TTC/TTC_24.2012.pdf

新線叫做28A, 彩福<>啟業, 彩福開出, 經樂華, 聯合醫院, 觀塘巿中心, 牛頭角, 常怡道天橋, megabox去啟業.

===

點解呢度要開文?

顏議員, 我想講既係, 雖然我作為居民, 好想有全日巴士,
但係請你唔好中九巴的圈套, 15-20分鐘先有一架車,
仲要落山再上山再落山, 塞埋聯合醫院出面先去觀塘,
我行餐死落山搭兩個站地鐵都快過佢, 莫講話去牛頭角同九龍灣!

而且條線方便唔到去順利村, 油塘返學, 14B特別班次仲要冇埋

請顏議員你唔好中九巴的圈套, 條線根本幫唔到大多數彩福街坊,
去觀塘, 牛頭角, 九龍灣, 順利村, 秀茂坪, 藍田, 油塘都唔會搭佢.
到頭來無人搭, 九巴咪話彩福邨根本無人搭巴士,
日後想爭取更多巴士途經, 佢地都唔會制.

麻煩你下星期開會表達我地既意見, 唔該晒

sytam

咁睇使用率可能唔會太高,未必吸引得到之前2條舊條d客&新線客。唔知幾時先有1,2條正式線去到九龍南同埋九龍西呢?

Felice233A

冇彩盈份

DJ音符

isar

彩褔要去觀塘，行去彩霞已經有小巴接駁，新28A巴士實在太慢
去九龍灣，行落彩霞，再經淘大，九龍灣德褔已經不遠，新28A無啦啦要兜咁多地方先到九龍灣，搵笨咩

無錯去聯合醫院都係重要，但無理由條全日巴士線搞成咁

如果區議員認為有巴士就自自然有人搭，咁就大錯特錯

我地已經衰過兩次，一次9號，一次14B
開左線，唔多人搭，左兜右兜都未到觀塘、旺角、尖沙咀

仲慢過行落去九龍灣轉巴士、慢過坐小巴轉鐵路，叫居民點樣接受?
結果比人話我地無需求，無得加班，呢個教訓好多人都歷歷在目

搭新28A去觀塘，要兜樂華聯合醫院，聯合醫院個帶交通繁忙，個度都好塞
去九龍灣要兜齊樂華聯合觀塘牛頭角先到，點解要比4.6坐落去?行落去唔係仲好?

仲有，觀塘區內線好多都係收4.1-4.4，14B因為去得遠先收4.6
其他屋苑只係需要比4.1-4.4直接往返觀塘，點解我地要比4.6，仲要左兜右兜?

啟業比4.6就去到旺角，我地比4.6只係去到觀塘，點都唔合理

isar

仲有，今次咁突然推一個方案，點解唔先諮詢居民?

呢頭宣傳今日早上電台節目

另一邊廂有人講彩褔交通最新發展又唔回覆，唔清楚交代
我覺得議員唔多尊重居民，我地最想知既係新28A，點解唔交代多一D資料?

fc_pga

我又諗到D野

根據人口普查, 淨係計彩德彩盈, 區內工作人口都有千三人, 加埋彩福更加唔止.
區內人口返工地點多數都係九龍灣至觀塘.

既然係咁, 如果開線係為左方便我地返工既話,
點解唔係彩福先去九龍灣, 再去牛頭角, 觀塘, 聯合醫院同樂華邨?
咁行去聯合醫院慢左, 去觀塘差唔多, 去九龍灣快好多.

但醫院最緊要係有車去到, 相反返工最緊要快同直接.
而家28A落九龍灣牛頭角慢過行路, 點會有人搭?

定係有人想益三彩同時又益埋樂華邨果頭?
設計呢條線既人, 算唔算係出賣三彩居民?

顏議員好似樂雅苑都有佢份喎, 咁樣算唔算係
為左"平衡"我地同樂雅苑的利益, 倒過來反而唔覺意害左我地?
可唔可以出來解下畫, 點解條28A唔係直去九龍灣?

isar

頂，區議員支持呢個垃圾方案，完全無考慮居民意見既?

我身邊好多鄰居都好失望，話下屆一定唔會再投比呢個區議員

gok

如果唔兜咁多地方
又收唔到$4.6既價錢
不過如果開左反應唔理想
相信都唔會再有全日線上三彩
呢次已經中左九巴計啦!

herman

其實怎解83M唔去直接以彩褔及官塘總站呢？