排緊天倫樂 但申請者現在想再婚

hosss484

排緊天倫樂 但申請者現在想再婚

交代下背景先,我同老婆結左婚以家一仔一女仲有個未出世(已過28週)
2020年外父(申請者,已離婚)同我一家四口總共5個人, 去申請天倫樂, 現在仲排緊
到現在我老婆再懷孕(已經過咗28週),交埋上房署, 以家當6個人排緊
但最近我外父同我地講想再結婚, 大陸女人黎
我想問嘅係...
如果排緊期間我外父真係結左婚, 我地一家六口係咪會被房署除名？
或者排緊期間有冇得轉由我或者我老婆做申請者, 就算日後拎到屋之後, 我地都想免除我外父百年歸老之後都唔會以申請者配偶被大陸女人搶左間屋
或者我地拎左屋之後我外父真係結左婚, 有冇得唔加個大陸女人名入黎, 就算外父百年歸老後, 個女人都冇名係入面被佢搶到間屋
仲有冇其他方法可避免個女人搶到屋, 我外父講到明拎到屋之後就會結婚申請個大陸女人來香港, 申請左個女人來港之後會唔會房署自動加名？

等運中

樓主，你問的問題最好都是搵日一早去房署攞個籌去問比較好，佢地先俾到專業的答案給你，但若果你外父結婚，唔同房署申報，是隱瞞家庭狀況，都會有後果

JKdada

點解當初唔用用你夫妻名去申請？

mon2005

好簡單，叫你外父除名，獨自申請就以後不用煩

founder

回應 #3 JKdada

會否老人家快D

*~ZeRiO~*

冇得轉申請者

王大媽

點解吾用你2人名申請？你們自已重新申請好過😅

想住到死果日

回應 #5 founder

一定會，香港公營房屋對60歲以上有如此優惠：
1. 抽綠置居, 居屋有家有長者隊排。
2. 家中只要有1長者，好難會成為寬敞戶調遷目標。
3. 就係樓主，申請天倫樂住大D。

不能詳列； 當然代價，又係樓主咁囉。

想住到死果日

我都話左廢老仲要造成問題啦：https://cyclub.happyhongkong.com/viewthread.php?tid=372616&page=1


答了：


- 或者排緊期間有冇得轉由我或者我老婆做申請者, 就算日後拎到屋之後, 我地都想免除我外父百年歸老之後都唔會以申請者配偶被大陸女人搶左間屋

唔得。天倫樂和家有長者一樣，以長者為本。

- 或者我地拎左屋之後我外父真係結左婚, 有冇得唔加個大陸女人名入黎, 就算外父百年歸老後, 個女人都冇名係入面被佢搶到間屋


冇得。


- 仲有冇其他方法可避免個女人搶到屋, 我外父講到明拎到屋之後就會結婚申請個大陸女人來香港, 申請左個女人來港之後會唔會房署自動加名？


既然個女人仲未係香港永久居民，咁仲有轉機，但係要黑心講句，個轉機就係，你外父或大陸女人，係大陸女人拎到單程證前死左。
聽說就係有單程證已經可以加公屋名，一般由結婚開始計4年就有單程證。


任何角度你都好不妙，但你呀，都結婚仲有兩個仔女，唔理咩角度都係成年人，真係勸唔掂外父嗎？