經常講幾萬元首期就做業主…根本好荒謬

想住到死果日

經常講幾萬元首期就做業主…根本好荒謬

呢個帖係鬧整個公營業主制度； 但揀呢個區發啦…因為綠置居只睇首期…樓價…唔洗做壓力測試…真係好糖衣。

我就假設買到麗玥苑最平154萬單位…最粗略計當借到9成5… 攤到30年360個月還…用某個網站計：

年利率又係最粗略5% 計…結果係…每月要還$8,268! 即係供完要畀$2,976,480買呢個單位！即係利息已經$1,436,480…差唔多等於整個樓價！
香港地好多人搵錢每月萬頭咋。

仲有唔通買咗就即刻住得 唔需要裝修㗎？

可能會有人話…就算洗碗1個月1萬元…由18歲洗到65歲…一世都產生到 10,000 X 564(47年有564個月) = $5,640,000 財富咁啦喎。

我想問…有邊個保證一世無事？保證屋企人無事？
就一句； 你能唔能夠保證自己一世有3百萬收入？

*** 我只係好粗略計…因此我希望我係計錯數…有沒有人能指正？

*** 與…如果居屋或綠置居…住到咁上下供唔起…會有乜後果？

SLLAM

你講得啱啊，所以香港住屋真係好困難好冇保障---公屋又呢度限你嗰度限你，綁手綁腳；出去租私樓，又租到冇晒錢，幾乎係永世不得翻身；買樓，包括買居屋，又好貴。
所以想買居屋就唯有先儲落一筆比較大嘅首期先至好買。有啲上咗公屋嘅人好似真係覺得自己係人生勝利組，盡情吃喝玩樂亂咁揮霍，仲笑9嗰啲買樓嘅人，咁就梗係連居屋都冇錢買啦。我認為，你如果三人家庭住公屋，月入4萬嘅話，應該將開支控制喺1.5萬以內，剩返2.5萬儲起嚟。咁樣儲一年就有30萬，6年就有超過180萬，咁樣買居屋就會輕鬆啲。另外呢，人工係會加嘅，而供樓利率而家係3.1%，所以冇你所計嘅咁緊絀。
仲有一點係，買居屋對公屋居民嘅意義應該係用最化算嘅價錢去解除公屋入息及資產限制呢個鎖。所以貪市區地段而去畀多成百幾萬買啲市區居屋我認為係不明智嘅，因為咁樣即係用多百幾萬去解鎖。

配房組

你講得都有道理, 可惜幾十年前都已經係咁運作, 已往供20年都係一樣供完等於買入價2倍. So Sad

Roy444@

主要係房署樓售價高 太跟貼市場😓政府為市民就唔需要跟咁貼 私樓有私樓價 政府樓既價應該更優惠市民 令到人更容易置業有安樂窩 好似新加坡既政府屋咁💪但如樓主咁既預算就唔太適宜買樓 住公屋會適合多😌

Chau888

哈哈…有冇計病痛做唔到嘢？條數點計呀？唔包病痛…唔好…好似政府計死數…邊個有頭髮想做癞痢呀！

ceo222

回應 #1 想住到死果日

你咁樣計係死數，但亦要睇你乜野年紀去供，好似我朋友咁未夠三十歲，個時搵萬五，六元，佢成功抽到居屋，只出一成首期，老豆出錢比佢裝修，佢月供好似萬二，三元，我知道佢係好手緊的，不過佢夠後生，可以痴父母食飯，人就係咁，有壓力你就自然會向上爬，佢之後升左職，再之後再搵一份人工更高既新工作，最後我知佢有車有女，應該生活吾成問題。

SLLAM

再補充一點，裝修豐儉由人，我當年裝修唔使十萬。冇錢求其裝下，有得用咪算數囉。對於窮人嚟講，首要嘅目的係乜？唔係將屋企裝到靚一靚，而係要儲一筆足夠大嘅錢，可以用嚟投資產生被動收入，令自己生活有保障。

leungwaishing梁

但次次都爭崩頭買, 唔好話供唔供得起, 連想供既機會都冇

Roy444@

回應 #6 ceo222

呢種咪就係向上游積極心態 要想達到目標就要努力去付出實現理想👍如好似樓主咁計算方法 一世都唔洗指意上到車😓佢都係一世住公屋最安全😌

JW1229

如果覺得自己賺錢能力,及理財能力不足以應付供款, 還是住公屋比較好,不用想,不用擔心太多!
#供唔掂, 咪"還原基本步", 賣左間屋/銀主盤, 直到戶口合資格,再申請公屋囉!