有冇人好想上到公屋？

joe123

有冇人好想上到公屋？

喺香港住公屋先係人生勝利組。
畀$2000租就有300呎
如果好運..仲可以住市區近mtr, 呢個價喺其他大城市租唔到同一面積, 係香港先咁獨特
住夠幾十年..維修都係由政府負責, 修唔掂等政府換樓畀你
然後返工恥笑供緊樓果班傻仔（轉發）

Roy444@

都要有運派到間好既公屋就係👍仲有好多人住緊幾十年殘舊 地區生活配套差既公屋😌

番薯咸旦王

khs1101

我地細個時都係住公屋,果時叫廉租屋村,到大個出黎做嘢時吾敢比人知住公屋架。
係比人低一等。所以我地果時好努力去置業離開。
同現在分別好大...........

Colala

樓主呢個標題有點……
响得呢個谷就排緊公屋等上樓，或者已經上樓啦！

SLLAM

唔好意思，必須反駁，以免有人被誤導：
除非你已經50幾歲以上或嚴重傷殘不能工作，否則一般來說絕不要申請公屋。
首先，申請公屋你要保持一段相當長嘅時間超低收入。以2人家庭來計，入息限額係1.9萬。假設你們二人原本合共能賺4萬，為了申請公屋而少賺2.1萬，咁輪候期間咁長時間分分鐘少賺200萬，已經足夠畀私樓首期了（只要你唔嫌舊、細、遠）。

其次，公屋不宜作為永久居所，因為限制太多：必須自住，離港稍長一段時間都唔得、資產易爆、收入只看過去而不看實際狀況。人生咁長總有啲時候你可能會難以符合以上規定，例如：老人家有長期病要返上大陸醫幾個月、老人家走咗或屋企人搬走令你資產爆標、你買嗰隻股票“唔生性”，十年都唔升但偏偏喺輪到申報資產嘅時候就黐咗線咁升，申報完之後又黐咗線咁跌。香港物價高，冇400萬都咪使旨意退休之後夠錢使，但就算四人家庭資產上限都只係310萬，超一蚊都要趕你走。你唔係旨意強積金或長者生活津貼吓嘛？
記住，生活唔係只需要一間屋住，你仲要有足夠嘅金錢應付其他開支。要能賺取足夠金錢就一定唔可以被限制收入及資產，所以只有私樓條路先至行得通。另外你仲可能要諗埋退路，例如老咗唔夠積蓄生活，呢個時候亦都係私樓先至幫到你，因為私樓唔限制你係咪自住，所以你可以返大陸住以節省金錢，仲可以出租間屋作為收入來源，甚至你可以賣咗間香港私樓喺大陸買座皇宮。公屋，得咩？

carol2357

好

MiniLo

自我感覺良好啦，佢唔知係其他人眼中⋯⋯

JW1229

人生勝利組, 都係自吹自擂架姐(自我安慰)!   一開始比較已經唔同LEVEL,唔同級別了! (低下基層,中產, 富豪級別)
你所謂的勝利只在於低下基層的!  
#中產:我收租都多過你份糧啦!
富豪就唔使講, 咩野叫公共交通工具呀?

Galaxylee

回應 #6 SLLAM

有公屋住絕對係人生勝利組, 以咁低廉嘅租金住到有獨立廚廁而且安全的單位去邊到搵? 就算限制多多都值得。大家唔好以為劏房平租佢貴過殘舊公屋租金多多聲而且環境惡劣

有公屋在手將來可以買居屋/綠置居/二手居屋及租置公屋 。買私樓咁易咩 ? 香港樓價係世一, 2佰多呎都要4佰萬起跳要儲到首期重要供得起, 除非有父蔭否則為咗供樓要節衣縮食。呢啲全由政府做成唔好將責任推落可憐的市民身上,
停售居屋拾多年將想置業市民全部推去私人市場導致私樓樓價不斷創新高,又不斷引入居民每日150人 X 回歸27年成150萬重未計啲經咩材咩材入來,只要其中100萬人申請,屋你地計吓條隊可以點攪? ?? 無咁大個頭就唔好戴咁大頂帽,無配套就唔好攪咁多人來,攪個亂局出來就叫市民揹黑鍋咁樣合理嗎?????????