18號取鎖匙見聞

等運中

18號取鎖匙見聞

取鎖匙時間是8:45分當天一早8點到步…先去自己單位睇左先…當時單位是沒有鎖鐵閘及大門…到8:25離開單位去黃蝶樓球場登記…保安要求你出示收匙信登記的…請準備好…登記後保安就講你有20分鐘上樓睇…睇完再上紫蝶樓辦手續
因為我一早睇完樓…所以呢頭登記完就立刻坐升降機去紫蝶樓
坐完升降機就到見到黃蝶､紫蝶樓…喺紫蝶樓下你會見到富蝶辦事處…不要去那邊…要行去後面…有條走廊去到辦事處後門…有個領先職員問你睇咗樓未…你話睇咗就坐低排隊…到9點辦事處先開門工作
辦事處開門辦公…你要準備取匙信…戶主身份證…到時佢會俾一個file…一份文件…一個籌號給你…一份文件主要是簽名…記憶中是填緊急聯絡人名及電話…簽有扣分制…水電煤簽名轉登記人…簽名要買家居保險等等…因簽名太多…情況混亂…若有錯漏…請見諒
到叫你籌號見主任…需再出示戶主身份證…收全家人身份證副本…收入息申報表…講解你簽左一堆文件名的文件… 主任最緊要講左幾次入息申報必須係正確…若有虛報係刑事要坐監
完成後又再坐低等核對資料再叫你籌號…到叫你籌號就去排隊交租…排隊是坐低等…只限一人坐…家人隨意走動…收租金只有2個窗口…需時等侯…租金最好準備晒…不用對方找續…交租金亦會收取相片2張…到時要準備好相及錢…交完會有收據俾你…對清楚名…地址…對方亦會講講收好按金收據
完成後再排隊交泥頭費…呢條隊冇得坐…腳不好人士注意…收匙信會夾泥頭費收費價錢…亦需準備好…交完泥頭費…職員會俾一份貼左你相片的租約你睇…睇清楚張相是否你本人…地址是否正確…收取收據就完成
再去另一條隊排隊取鎖匙…取鎖匙條隊亦是冇位坐的…腳不好人士注意…取鎖匙會收取係辦事處門口給你的file和籌號…請準備…職員會俾一份房署入伙需知的大大本書…鎖匙給你…鎖匙是鐵閘…大門各3條…信箱2條…數下鎖匙是否數量正確…職員仲會提醒你裝修需入紙申請…入紙後需3個工作天才可開始裝修
現在你就完成收鎖匙程序…會係富蝶辦事處正門離開當天8:30登記到10:30完成手續離開…大家要預時間

YvonneY

好詳細，雖然我已攞咗匙。原來你咁早去都要兩粒鐘。我時間耐啲，因為係跨咗Lunch time。

kaylai1970

謝謝分享

chincilla7

謝謝分享～

sxuay

thanks

Ss1234$$

Thanks

華軒

回應 #1 等運中

妳真真真有心萬分感謝
遲D裝修都分享吓
話過請你飲茶
今次要請食飯啦
👏👏👏👏👏

Drisy3382

多謝分享😆😆😆

劉鈺

你真係好有心，多謝。黎梗我哋都要去辨理，好有用。

chiukong

謝謝分享