房署職員突上門家訪兼查公屋戶身份證

楊管

房署職員突上門家訪兼查公屋戶身份證

事主問唔應門有咩後果
網民留言兩極 質疑事主：咁緊張做咩！

不時都會聽到公屋戶討論不同的問題…例如想換樓或投訴隔離鄰舍等等…而房署為了避免發生一些「呃公屋」及上述情況…間中都會安排家訪查看居住情況。不過…上門家訪就未必人人歡迎…有住戶甚至會將此舉視為壓力。早前…一位公屋住戶就在討論區上發文…直指近日有房署職員突然上門做家訪兼查身份證…事主事後就詢問唔應門的後果…引來網民紛紛留言…有網民更因此而質疑事主「咁緊張做咩」。

有關公屋住戶的問題屢見不鮮…不時都會看到有公屋戶或正在輪候公屋的人有不同的爭論…而近日政府亦宣佈要嚴打「公屋富戶」…將會慢慢做檢查和核實資料。其實房署定期都會安排職員上門做家訪…期望能夠了解公屋戶的居住情況。早前…一位公屋住戶就在討論區上發文…直指他的屋苑保安有一日突然帶著一名自稱房署職員的後生仔上門…並要求事主開門讓他進行家訪及出示身份證…令未有事先收到通知的事主一頭霧水。

事主表示保安當時向房署職員表示隔壁單位無人在家…「旁邊屋他們似乎不查」…因此特別好奇房署職員突然上門家訪的目的…又詢問一眾網民「如果剛好我是訪客…會有咩下文？如果我扮不在家不開門…又點？」有網民就主動解惑指房署做家訪十分平常…主要會以抽查的形式進行家訪…以打撃濫用公屋…「睇下有冇濫用…有時係因為畀人隊…有時係抽查」､「只係例行檢查」､「有可能係抽查…所以唔係戶戶都去…如果係訪客…唔喺度住咪照直講囉」。

根據房屋條例第22條的規定…房屋署職員會進行每兩年一次的家訪調查…以核證公屋及中轉屋單位的住用情況。房屋署職員會使用行動裝置進行家訪。在家訪調查時…住戶需要出示身份證明文件…以便房屋署職員核對戶籍資料。

有關職員亦會將住戶的實際居住情況與電腦記錄核對…及將巡查結果記錄於行動裝置。若住戶的家庭狀況有所變更…例如有成員出生､死亡､結婚或遷出等…住戶應即場通知房屋署職員…隨後再辦理加戶､減名或批出新租約等手續。此外…職員更會利用家訪的機會…偵測單位有否不正常的使用情況…以確保公屋資源沒有被濫用。

事主的發文引起網民熱烈討論…而網民的留言十分兩極…有網民就認為房署的定期家訪「擾民」…揚言「唔一定有人…唔洗返工返學？」､「真係唔好應門… 而家d呃人好倡狂架」。不過…大批網民就讚房署此舉是德政…「做得好…防止濫霸公屋」､「突然家訪做法正確…如果預早通知…違規D人就會預早準備就唔可以查到嘢」､「應該係咁做…只係房署愈來愈懶」…更有網民質疑事主如此大反應…「係咪身有屎？」

founder

唓~ 你咪唔好應門囉~ 扮不在家囉~ 佢會出信畀你㗎啦~ 講真, 如果佢真係要入屋查, 你有權阻止嗎？

JW1229

呢個話題, 大把著點討論, 兩邊都有論點支持!

外人(非公屋住戶)覺得,房署職員咪好大官威、好大權力,
人地警察都要申請"搜查令"先入得屋!  住公屋好似慘到入監倉甘, 有無係床下底收埋煙仔(資產)甘!

住戶(由其老人家)又驚遇上賊仔騙案, 唔敢開門應門!~

bby0602

回應 #3 JW1229

試過晚上10點，房署職員話要入屋睇下房冷氣有無漏水........我地訓哂了，剛訓著就比人嘈醒........

race291

回應 #4 bby0602

呢個情況應該係樓下有人投訴樓上滴水上黎檢查

漁樂圈

Taddyleung1982

回應 #1 楊管

詐騙集團又可以整釣魚信息 扮房署抽查 套你私人資料了 恐慌又帶來商機😂

MiniLo

如果個個公屋住戶都守規矩咪唔使咁煩囉

CECICCY

如果係租住私樓，包租公會唔會失驚無神登門拜訪吖？

ban_account

晚上11點前都有機會上門家訪