除名後雜物無搬走…房署家訪逐樣問

楊管

除名後雜物無搬走…房署家訪逐樣問

房屋署近期加強打擊濫用公屋…一名港女發文訴說自己和弟弟本身跟母親同住公屋30年…兩姊弟現已除名…但屋內仍放有不少物品…結果房屋署上門家訪時…逐樣盤點並提出質疑…令她不滿怒批「離地」。

該名女網民日前在網上發帖…表示自己和弟弟本身跟年過65歲的母親同住公屋30年…兩姊弟現已除名…但屋內仍放有不少物品…例如弟弟的模型櫃､積木等。

遭質疑屋內多物品

事主指近日房屋署相約上門做家訪…職員見到兩姊弟的物品隨即問「點解仲有嘢喺度」…又指水費超過「正常一個人」的上限…令她直言「用水都要管…黐鬼線」。職員甚至要求打開鞋櫃計算有多少對鞋不是屬於戶主…令她感到無理…直斥職員「離地」､「房署班人捉得好誇張」…「大佬呀…住咗成30年…唔一定所有嘢要搬走呀嘛。我細佬以前啲模型櫃冇搬走都要問…瞓過張床仲喺度都好似唔畀咁…好想鬧人…不如講明脫離戶籍要全部雜物拎走。阿媽連我細佬30年前嘅lego仲留喺度…放乜都要房署跟進…真係有排解釋…我想問埋佢啲合照係咪要cut走埋我。」

事主形容職員又會向鄰居問話…她指最近母親生病…兩姊弟多了去探望媽媽…結果引起懷疑…「太荒謬…咁仔女返去探佢探多咗都有問題先係問題…阿媽你有病唔好通知我…自己搞掂」。

網民：放乜都管 VS 身冇屎怕咩

帖文曝光後…有網民指摘房屋署職員做法「離地」…連放甚麼物品都要管。但有更多網民指最近很多人濫用公屋…認為嚴查單位是好事…亦有人批評事主和弟弟搬走後也應清走物品…「寧願房署跟得緊啲」､「解釋到咪得」､「脫咗名的確應該搬走啲嘢」､「你冇濫用唔代表所有人都冇…最好查多啲､查密啲」。

Roy444@

有問題係條港女❗你只係租客 唔好以為個單位你買咗🤭公屋大業主要check返個單位住成點全無問題 咁唔滿意可意退租😏

cheongapple

回應 #1 楊管

合理懷疑啊
唔鍾意咪退租搬走囉

hong2021

多謝分享

andylee81

回應 #1 楊管

咁兩姐弟好地地做咩除名？繼續有戶籍咪幾好？收入超額？還是兩姐弟已置業所以除名？

要講多點大家才明白閣下苦況㗎啵。

deaf

我一人單位，家訪時有二人，
只核對我身份證就走人。

等到懷疑人生

多謝分享

jenny230

多謝分享

ktklgss2021

回應 #5 andylee81

睇來就無苦況

SLLAM

以香港人嘅智慧水平，佢哋冇講 “住公屋都可以有模型櫃，擺明濫用公屋啦！公屋係要留畀最有需要嘅人，有錢買模型就應該去租私樓” 咪算係咁囉！