公屋戶除特別需要應禁止買車？

楊管

公屋戶除特別需要應禁止買車？

港男：有$5000養車霸住公屋做乜？

房屋局局長何永賢日前表示將擴大公屋富戶抽查範圍…包括要求公屋租戶申報在內地和境外物業…及查核車價計算公屋戶資產。有網民在社交平台上以「覺唔覺公屋戶應該要獲得批准先可以買車？」為題發文…分享自己對公屋租戶買車的看法。有網民則認為要為公屋設立租住期限…加快流轉…幫助更多市民。

該網民認為公屋租戶應獲批准方可買車…除非有工作或生活需要…例如早出晚歸沒公共交通、需接送老人或殘疾人士。他續指：「香港交通工具咁方便買乜車？有錢買車養車仲乜唔出去做jojo/供供？(租樓/供樓)」

有網友認同樓主睇法…認為若租戶可以負責$5-6000養車…即有一定經濟能力…「霸住間公屋做乜？」亦有網友補充去旅行同理…「落房署辦事處申請完先畀去。」現時公屋平均租金為$2,200…有人直言：「有咩人窮到個個月$2000屋租住幾年都冇錢儲？根本住公屋要設期限…3-5年好走啦…住公屋期間好似破產咁唔俾高消費…冇得去旅行搭的士。」

有網友總結公屋租戶應參考過渡性房屋設居住期限…年期屆滿就要選擇買居屋或私人市場。有人建議在期限屆滿後…住戶應在私人市場「過冷河」之後方可再申請公屋。亦有網民提議每住滿5年租金翻倍…增加租戶向私人市場流動的誘因。

有網民認為公屋住戶享用了社會福利…應該有義務回饋社會…例如負責清潔及打掃自己屋邨。

有網民則認為可以禁止擁有車輛…但不應限制外遊…「人身自由任何階層都要有嘅 可能係去探親 揾男女朋友 睇定後路 擴濶眼界 唔一定去嘆世界。」此外…網民認為公共屋邨早設計好交通配套…「即係你往得公屋一定有公共交通到達」…因此車輛非必需品。

根據房委會資料…房委會停車場有蓋車位月租最高為$3150…月租露天位最低為$1330…公屋住戶收費減半。

配屋宅急便

YvonneY

呢位港男話「香港交通咁方便買咩車」，麻煩佢幫我睇下富蝶返屯門中學轉三程車有幾方便？大埔至屯門恆常係冇一部直通車可以直達架！大女中五，唔通最後一年都要轉返學校去大埔讀？可能佢會話我可以拒絕大埔，又調返轉，唔通因為大女返最後一年中學唔方便，而決定唔去接受心儀嘅新樓公屋？我真係有去搜尋全港最平二手車架，真係各項皮費太貴負擔唔起，雖然我買唔起，但都唔希望想買嘅時候又要多層手續要向房署申請。

SLLAM

有啲網民真係因為唔使負責任，就亂噏嘢。限居住年期，咁期滿搬出嚟買唔起樓，出去租樓租到冇錢又再排返公屋？即係搵嚟搞。至於公屋係福利一說，咁市民咁辛苦工作為香港經濟貢獻，有住屋保障唔應該咩？反而嗰啲淨係識炒樓收租，對經濟無貢獻嘅人先至係攞福利。

CECICCY

如果唔係揾食車，養一部車：每年牌費、車位租金、維修保養、運作燃油、違例罸款…要幾多使費？

founder

如果佢地養架車係為了生意 (van 仔, 做搬運的) 那納入嗎 ?  全家人都係靠佢, 好話唔好聽生意好既, 一家幾口一個月扣除油呀~ 維修呀~ 可能有一萬多.,  那點說呢~ 有時候呢~ 車呢樣野, 真係好難說的

tommy0721

不如每條邨有有邨巴先再講

Joker1314

覺得公屋一定有公共交通配套既，應該無去過係安達呀，皇后山呀果d地方。。。

講就天下無敵

grxgr

最近多左好多發展商打手攻擊公屋