公屋富戶怕交雙倍租

楊管

公屋富戶怕交雙倍租

房委會最近加強打擊濫用公屋…有網民指親友一家住公屋…雖然全家月入高達10萬元…但每月仍只需交2000多元租金…更形容擔心之後要交雙倍租…遭網民質疑有瞞報入息之嫌。

有網民在社交平台發起討論…指公屋租金低廉…假如住戶月入3萬元…繳交租金､水費及電費後…還剩餘2萬多元可以「隨便使」…形容此種生活可謂相當暢快。

帖文引起其他人熱議…其中有網民亦大爆…身邊有親友家住公屋…其中三名家庭成員月入分別為5萬元､3萬元和2萬元…即全家每月收入達10萬元…應已屬公屋富戶…但現時只需交2000多元的租金…「(佢)同我講驚加雙倍租。」

對此不少人都感到驚訝…指公屋富戶理應額外繳交租金…質疑該家庭或漏報收入…更有人批評他們行為寒酸似乞丐…「除非瞞報啫…邊會交咁少」､「一家人搵10皮…交2000蚊租…仲話驚交雙倍租…呢個行為都唔叫乞兒？」不過也有網民指出現時的公屋入息限額太低…假設該家庭育有成年子女而且均有工作…便容易超出限額…「公道講句…其實好易爆」､「由細住到大…如果個個仔女都讀晒大學又未結婚…真係會有呢個情況出現」。

ykkwan

配房組

請多D人做調查咪得囉,  

MiniLo

wtk7213

賺到交到

Roy444@

搵十萬應該唔只交雙倍 起碼交三倍或市值租金?

SLLAM

又係搵人寫文啦。。。全家合共賺3萬又住公屋嘅話，真係可以2萬幾蚊隨便使咩？！以香港嘅退休保障咁差嘅情況，唔使儲定啲錢以備退休？就算唔考慮退休都要預備不時之需啦，邊個保證你一定唔會失業㗎？
不過可悲嘅係，我真係見過有人係認為賺3萬住公屋係可以有2萬幾蚊隨便使，因為嗰種人頭腦簡單兼天真幼稚。佢哋自己賺錢少仲要學人講 “賺來的錢不算是自己的錢，花掉的錢才是自己的錢”，我問佢若果退休冇錢用點算，佢話放心，綜援一定會永遠存在嘅。
乜嘢人符合資格一世住公屋？咪呢種人囉！咁乜嘢人唔符合資格？咪勤奮上進、努力搵錢儲錢、懂得計劃將來嘅人囉！

yy303

我都希望交雙倍租 ，證明賺到錢

andylee81

我都想交雙倍租金…可惜現實只能交少點租金。

SLLAM

交雙倍租你估真係咁過隱？通常你只係一時高收入啫，邊個保證你一世高收入啊？！如果只係因為某一刻高收入被房署踢出，但之後回復返低收入點算？再嚟排幾年公屋？唔係喎，係先要你將收入同資產壓低到符合申請公屋嘅要求先至有得申請喎！