港婦陪母長居內地求醫 被收公屋失安樂窩

楊管

港婦陪母長居內地求醫 被收公屋失安樂窩

公屋需求殷切…但濫用公屋資源的情況亦屢見不鮮…當中以空置公屋最為普遍…惟現時房屋署只依賴「三個月經常持續居住」的概念…來判定公屋是否空置需要收回…引發不少爭議。《東呼即應》近日接獲市民求助…指疫情間陪母親到內地求醫…惟因緊急封關被困內地3年…好不容易待復常回港後…卻被指濫用公屋遭到沒收…事主即使多番解釋亦無補於事。有議員表示…類似求助較以往明顯上升…建議公屋住戶若離港時間較長…應先通知房屋署。

年近60歲的女事主Grace住在牛頭角彩盈邨15年…與85歲母親(李女士)相依為命…惟其母近年來多病纏身…包括糖尿病及白內障等…但鑑於香港公立醫院覆診排期長…她擔心媽媽病情惡化…決定帶對方回內地求醫。她指…以前都一直有往來中港兩地…但直至2020年初…因疫情關係緊急封關…為了照顧媽媽…只好暫緩回港計劃…讓媽媽繼續在內地接受治療…至熬到今年兩地通關…終才能回港。

她嘆道…本以為可以迎接疫後復常的生活…豈料先迎來無家可歸的噩耗…皆因她3年沒有返港居住…公屋單位丟空…她被指涉嫌濫用公屋…即使當時她已向房署上訴解釋原委…惟仍遭駁回…公屋最終被房署收回。其母得知消息後…更整天都「吃不下、睡不着」…並指當局不聽解釋…「真喺濫用嘅話…我都不止呢間(公屋)啦」。

Grace說…母親在大約10年前…亦有獲派一間公屋單位…但最終選擇母女同住…將單位讓出歸還房署…惟這次本以為是疫情…不論如何…政府也會考慮一下實情…但最終亦因為「濫用」而失去安樂窩…兩母女亦只好認命…不過之後何處安家…目前仍然毫無頭緒…「天大地大…可能瞓天橋底都喺個選擇」。

議員顏汶羽表示…在疫情期間…類似的求助比以往是明顯上升…主要原因是疫情期間巿民回到內地…未能返回香港…變相有一個比較長的時間不在香港居住。他認為…如果真的有緊急情況…離港時間亦比較長…公屋住戶應該要先通知房屋署。

面對多宗類似事件…房屋署回應《東呼即應》查詢時表示…根據《房屋條例》…公屋住戶如丟空單位或超過三個月非經常居住…即算濫用公屋…房署有權沒收單位。今年4月至11月…已成功追回約2,000宗…因租戶濫用公屋和違反租約或房屋政策…而收回的公屋單位。

SLLAM

所以，話得公屋得天下嗰個人真係盲嘅！雖然有間屋畀你，但係賺多少少唔得、儲多少少唔得、屋企少咗個人唔得、離港退休唔得、受困外地唔得、甚至入咗醫院老人院又唔得，咁生活唔係只得住屋需要㗎吖嘛，仲有好多其他需要，而且有啲事情仲係自己控制唔到，一旦發生嗰啲事情就分分鐘冇咗間屋！公屋，外表上係堅固嘅鋼筋混凝土房屋，但講到居住權，就好似紙造嘅咁脆弱。

ktklgss2021

good

hk94521868

Roy444@

個住戶多多籍口砌詞但房署最終結局就係真?

小茹

EC20231102

可憐，真心孝順直得贊，不過香港冇公屋住，
吾緊要啦，係大陸可以陪疹咁耐，
係咪大陸有地方，又冇經濟負擔，
先可以比你安心住咁耐呀!
邊度住都好，有瓦遮頭已好好㗎喇!

mon2005

85岁其實可以申請入香港老人院。

點解咁傻走返內地被人捉

矇查查888

通關都成年啦、就算未完全通關都可以返來啦、咁都吾返來、糖尿病、係長期病、只有藥食、就算返大陸咪一樣比藥食、白內障一係快做手術、一係等全白、呢b理由好勉強、係大陸可以住幾年、又吾使做、其實都吾係好需要間屋

矇查查888

房署吾會睇3個月咁少的