想請教點樣可以寫推薦信？

rlau921

想請教點樣可以寫推薦信？

我媽申請公屋七年有多…呢七年她寄住在姨媽元朗家。由於她已73歲…健康情況不太好…又做過眼科…頸椎…骨科等大手術。所以她希望能派到藍田區…方便我照顧佢(例如陪佢返屯門醫院､去博愛醫院覆診､送飯等日常照應)。可惜剛收到房處派樓通知…單位在柴灣興華二村裕興樓23樓(頂層)單位…該樓層無?直達…對長者黎講好唔方便。由於呢次係第二派…而房署又約左21號要到所屬屋邨辦事處辦手續…我亦明白房屋資源緊絀…但諗起日後要由柴灣返屯門博愛醫院覆診都好頭痕。後來得知如有醫院或社處推薦信…房屋基於資源許可下酌情編配指定地區或指定屋村。但我手頭上冇醫院發出既醫療報告, 只有過往去屯門或博愛醫院唔同專科既覆診單…現想向大家請教 我可以點樣聯絡社署或有什麼途徑可協助同要準備咩文件呢？??‍♀️??

mon2005

都夠哂資格申請社署老人院囉

大埔佬167

可以不用找社工只要找政府醫生出信才可以指定地區. 找舊聞有晒資料.

rlau921

回應 #3 大埔佬167

次次覆診啲醫生都唔同, 同埋睇親都呢頭坐低講唔夠幾句就完. 請政府醫生寫信感覺難過揾社工幫手.  

我係女仔

回應 #4 rlau921

但呢啲就算社工推薦都必定要公立醫院醫生寫信簽名喎，咁每次佢有醫療紀錄架麻，你係公立睇過咩都睇到晒，同醫生傾吓！
我昨天同屋企人去睇門診，佢地都睇到所有紀錄曾有過咩病所有野，我屋企人有某種病，所以醫生話唔開得喉糖，驚佢硬親

Jody1017

樓主是二人隊天倫樂要指定地區應該比較難，因為天倫樂年青一方要簽聲明照顧長者並一同居住，現時想指定地區方便另一位親人照顧似乎有些理據不足，公立醫院聯網隨時可轉院繼續就診，覆診亦不是理由，若長者有醫生信證明行動不便，應該可以要求房署派有?直達樓層。 其實樓主號碼今年特快應可揀到較合適地區單位，
不過機會已經過去，唯有預祝樓主下派心水！

vvy00

回應 #4 rlau921

有醫生信 + 社工信先有機會指定，同埋已經二派了，你要經房署轉介去社署~先可以暫停三派，不然，三派應該好快派，到時你要硬食

shelly131415

回應 #6 Jody1017

天倫樂我記得有“調遷”計劃，可以調近其中一方的附近，不一定要住在一起。但12月15號就截止了。樓主可以留意下年的申請

Jody1017

回應 #8 shelly131415

樓主之前帖文有提及長者和孫二人天倫樂申請公屋，所以要同住一單位。天倫樂調遷是雙方已住公屋，長者所住單位沒有60歲以下成員。

rlau921

謝各位回覆