單位被刑事毀壞申請特別調遷問題?

草草

單位被刑事毀壞申請特別調遷問題?

我現居單位喺2023年12月10號凌晨被刑事毀壞, 當事人已立案, 現想申請特別調遷, 請問我的個案是嚴重嗎或者是特別個案嗎?
我的單位已被列作問題單位, 這種案件申請特別調遷的話一般是多久到多久?
以及我原本申請事是3個人但現在是4個人會有機會派到較現時大的單位嗎?
現時是3~4人單位 , 想問下各位有沒有相同的個案及給我一些意見謝謝大家!

pop4567

如拉到人仲洗乜調遷

矇查查888

點樣毀壞法？是外人做？收數佬？

草草

回應 #2 pop4567

樓下住咗一家三口,今次拉咗個仔,但係其實成家最癲嘅係個老母,同埋即使拉到人因為佢都係冇好明顯嘅危害生命跡象,頂多都係有刑事毀壞財物方面上,所以好大機會唔使坐,而且因為嗰家人實在係太癲呀!所以我哋都係決定要搬,我屋企一個16歲一個3歲實在冇辦法 ! 拉咗都冇用,我可以肯定佢哋放返出嚟照搞,除非全家終身監禁,同埋佢開窗鬧我哋嘅時候,上我門口滋擾我嘅時候都一直喺度講緊燒死我哋,搵人打死我哋,不斷咁樣威脅

草草

回應 #3 矇查查888

就係樓下嗰戶戶主個仔,唔係收數,係由普通嘅噪音逐漸惡化變到滋擾,房署又乜嘢都唔做闊佬懶理揼波鐘,所以先至導致今時今日我哋變咗被刑事嘅問題屋呢個局面

草草

回應 #3 矇查查888

覆少咗個問題 係用鐵撬, 我有隻防盜眼裝咗喺門上面, 佢知我隻眼裝喺邊一上嚟就係打爛咗隻眼先, 然之後再諗住撬門, 有環境證供, 應該試咗一次, 得一到痕, 見開唔到就係咁用支鐵撬, 敲打鐵閘, 圖片見到嘅所有痕跡均由樓下嗰家搞嘅。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

MiniLo

回應 #6 草草

嘩！咁得人驚！
拉佢坐監就差唔多。

飛faiyu772

回應 #5 草草

請問有關部門點處理這個案？屬於緊急調遷抑或正常？如果只是安排同邨調遷，妳會否擔心將來有人上門尋仇？
建議白紙黑字申訴，曾於X年X月X日，鄰居房號：XXXX，就噪音事宜投訴，但不受理，結果因為邨辦的疏忽，而導致今次意外！希望房署正視問題的嚴重性，盡快作出妥善安排。
*如果當時已經投訴過很多次，記得全部日子都要出晒。

草草

回應 #8 飛faiyu772

可能因為係兩日前嘅事所以有關部門應該係咪嚟得切處理,已經投訴咗好多次房署唔處理,連申訴專員都搵埋,我希望佢係屬於緊急調遷,如果安排同村調遷嘅話我應該都唔會要,佢大癲 ! 可能我喺樓下行下街都畀佢打死 , 今次我應該會直接去搵屋邨經理 , 希望可以盡快調走啦

草草

回應 #7 MiniLo

我都希望佢哋全家畀人判曬終生呀 !  我原本住得好地地邊個會想自己又畀幾十皮搬