「不想再做業主了」

楊管

「不想再做業主了」

樓價下跌…資助房屋都難逃一劫…公屋更爆出蝕讓潮…「得公屋得天下」的神話或要改寫。有代理直言…近年在自由市場購入公屋的買家「基本上high(中招)硬…10個買9個high。」更有公屋業主為求斬倉止蝕寧願輸近100萬離場。

中原城市領先指數CCL最新報153.67點…按周跌0.63%…連跌3周共2.13%…即逾6年半新低…重返2017年4月中時水平。

陳小姐在2018年11月…以358萬元購入富善邨善鄰樓一個面積292呎的低層單位…她指當時樓市升到「㷫烚烚」…很多人都覺得「依家唔買就買唔到」…加上當時未有「林鄭plan」…唯有「焗買」400萬以下的物業。隨著當時樓市不斷創新高…該公屋單位由於銀行估價不足…陳小姐更需自己「抬錢」20%…前後花約100萬元首期。

陳小姐坦言…近年太多港人移民…樓價下跌「完全見唔到底」…又擔心樓價明年繼續下沉…「斬倉都要有人接…如果無人接盤都要繼續頂住。」她表示…自己由去年3月開始放盤…已放盤超過一年…雖然期間都有不少人睇樓…惟未有買家進一步商議。結果由原價358萬一直劈下去…直至早前才以260萬元沽出…賬面累劈逾27%或98萬元…下星期將完成整個成交。陳小姐表示…如果要償還銀行按揭…仍需要抬錢幾萬元才可「甩身」。

陳小姐又指…「輸成球」計完都想喊…又認為近幾年入市的業主完全「中晒伏」…表示嘗試過做業主的滋味…以後不想再嘗試了。對於明年樓市…她亦睇得十分淡…「未死得晒…仲會更加死。」

目前陳小姐以1.2萬元租住同區兩房私樓單位…她指在不斷加息下…每月供款已由1萬元增至1.25萬元。相反租金已是「固定支出」…不用無了期增加供款…增加的2500元金額足夠小朋友上興趣班。

wesly

一句話，炒燭樓。已脫離基本需要的人

Roy444@

睇完似編作文 故事主角唔係移民又唔係欠債或急切現錢用 只係話怕將會加息?為何蝕一球都要賣咗間自置公屋 如供唔起又走去租成萬幾蚊屋住 匪夷所思❓除炒樓外都冇乜其他解釋到咁做 一句抵肯死自己攞嚟❗

SLLAM

既然買咗，就唔好蝕錢放啦，除非真係冇錢供。租樓咪又係要1.2萬，租幾多年間屋都唔係你嘅，到你老嘅時候，仲冇業主肯租畀你?！
睇樓市要睇幾十年，唔可以只睇近一兩年。樓市已經升咗近二十年，跌返兩三年好正常啫。2003年夠跌七成啦，之後咪又升返，仲要黐線咁升！股市就真係會一沉不起，但樓市唔同股市。點解唔同？如果你已經喺社會生存10年以上+智力正常，應該會明白。

fortesting

炒公屋者應有此報

carol2357

回應 #5 fortesting

JW1229

360萬買間唔夠3百呎, 萬二蚊呎, 好唔尋常, 可能已補價! (呢D租置,無綠表,真係買唔過)

Roy444@

回應 #7 JW1229

就算有張綠表都要考慮得清清楚楚❗3X幾年以上殘舊公屋+業權管理混亂 仲要二手價過萬幾蚊呎買?係D人盲目高追炒既結果❗

twk87

wtk7213

要自住，無話說。