體恤安置問題?

hkmax123

體恤安置問題?

大家好，第一次出post，如有錯漏希望大家見諒。

想幫我同爸爸問下關於體恤安置的問題。

背景：
現在居住於租住私樓，下年三月傾續約，都幾肯定業主如果知道我老豆有病佢唔會想續約
爸爸患癌，而家失業，生活支出主要靠我
單親家庭，無媽媽依靠，亦無兄弟姊妹
而家如果計我哋兩個收入綁埋一齊就實過入息限額，不過佢自己零收入同好少資產（4位數字）

想問以下問題：
現在個情況，不是沒有錢租樓，而是業主不希望租客在單位內有甚麼不愉快事件，所以大多都不願意租樓給病人住。
如果要安排單位，幫爸爸申請體恤安置的話有可能嗎？還有如果爸爸現在隔個禮拜要到公立醫院做化療，地區方面可以選擇同區嗎？不一定要住隔離，唔過海都已經好滿足了。
另外，如果佢一個人真係派咗間公屋，我應該會照顧佢，想請問加人的安排。

多謝大家嘅意見??

配房組

咁點會用到體恤安置.
你阿爸1人點解唔申請公屋?
仲有, 過度房屋, 點解你又唔問呢?
打尖唔係咁樣架.  

hkmax123

回應 #2 配房組

你好，多謝你願意回覆

我爸爸在幾個月前先患病，確診前都有返工，同比錢做緊而家嘅私樓，所以肯定入息會過限額，無謂申請公屋。

患病之後，佢要做化療，體力上已經支持唔到工作，所以唯有唔做嘢。生活，醫藥費，租金，暫時都係我獨力承擔，佢有嘅收入只係政府比嘅傷殘津貼，同埋標靶藥嘅關愛基金資助。

我想幫佢解決住屋問題，起碼做緊化療嘅時候唔洗瞓街就得。我知你可能會建議我哋住酒店，奈何我嘅人工唔容許咁做。

政府網站資料顯示，過渡性房屋需要輪候三年都未有派到樓的申請人才有資格申請，我都希望老豆有多三年命。

另外，公共資源從來都係先比有需要嘅人，公屋同公立醫院都係，除非你認為撞車昏迷嘅病人唔應該係急症室睇先。

我老豆都唔想病，我有方法揾到私樓比佢嘅話我都肯比貴租，問題係暫時問經紀朋友收返嚟嘅消息全部都唔係好消息嚟。

有錯請指正??

美麗港灣w1

建議你盡快揾社會福利署社工求助，希望可以幫到你老豆。

rainbow`

回應 #3 hkmax123

找醫務社工，係醫院搵。過渡房屋不一定要已排緊公屋。

saidorma

其實有好多人,家中有突發事件,都會諗到體恤安置!
但係,房署體恤安置門檻好高,如果唔係社會事件,基本上唔會批出!
建議樓主先搵醫院社工傾傾,佢哋可以轉介一啲社福機構,部份可提供臨時居所!
祝世伯早日康復

H_A_P_P_Y

香港大把人有癌症 用癌症體恤安置就難吧!

hkwilliam

過渡房屋，輪候三年以上，或者有特殊情況可以無需三年！

tungwd

我最近聽醫務社工講，她們寫信都要好耐先安排到屋。（以年計）
盡快搵左醫務社工了解左先

Yumayu

簡單一句：你地未夠慘！
租到私樓一間唔得咪第二間
有錢會租唔到既咩？