一個月後拍片自稱純屬虛構只為"吸粉"
https://cyclub.happyhongkong.com/viewthread.php?tid=363588
近年開箱文化盛行，除咗科技玩物、食物及潮流時尚商品之外，原來連房屋單位都可以開箱。早前有一條關於一名內地辣媽被隨機訪問，透露與家人以$2200港幣租住一個面積約600呎嘅三房一廳海景公屋單位，結果影片喺網上爆紅，引起網民議論紛紛。不過相隔一個月後，呢位內地辣媽就拍片公開真相。
喺影片中，主持喺街頭隨機訪問一名身穿小背心瑜伽褲嘅女士，被問到喺一個月住屋租金係幾多錢，之後佢就語氣有啲疑惑咁表示2000多，並允許主持去佢屋企進行拍攝。
「大部分家裏都會配一個菲傭」
呢位內地辣媽聲稱與老公及一對仔女，以$2200港幣租住一個面積約600呎嘅三房一廳海景公屋單位，並表示覺得非常幸運可以分到咁樣嘅單位。之後佢仲話有一間房係工人房：「大部分家裏都會配一個菲傭，不到5,000塊錢一個月」，不過之後又話自己現時係全職媽媽，所以未有再聘請外傭。
不過相隔一個月後，呢位內地辣媽就拍片公開真相，指自己係跟劇本演出：「誰懂啊？我在內地拍了幾年廣告不溫不火（不慍不火）」，我去香港拍一個爛大街這種劇本廣告，火了，而且還是爆火！劇本你們懂不懂得呀。」並話：「如果我在香港開社交帳號的話，肯定能吸一波粉」。
「你投訴都冇用，公屋不是我的啊」
另外，內地辣媽仲表示自己冇持有香港身份證，只係得雙程證，所以每次嚟香港都好麻煩，希望可以將今次嘅流量吸引返大陸，咁樣佢就會有接唔完嘅通告。
影片出街後，網民留言話：「交返間公屋出嚟啦」、「已經有人去房署投訴了，借你公屋那家人估計會有麻煩」、「你是大陸人，你為甚麼會住公屋？丟人現眼吧你」及「這不是劇本，這是欺騙人」等等；另外更有網民表示會去投訴：「唔理你是不是攞內地通行證，我都會上房屋署網頁投訴你內地有物業。」
佢就回覆話：「你投訴都冇用，公屋不是我的啊，全部都在合法範圍內。拍攝內容不勁爆怎麼會有機會上熱搜呢？你又怎麼會認識我呢？拍攝博主都開心死了，漲那麼多粉絲」。
