|
心情動態：
來自富善邨 |
何永賢｢瞓身｣撐夜繽紛 屋邨做｢螢光瑜伽｣
政府力推香港夜繽紛活動，唔少官員都要「瞓身」參與撐場，房屋局局長何永賢甚至玩埋「螢光瑜伽」添，究竟係咩來？
原來螢光瑜伽只係着咗件螢光色嘅運動衫做瑜伽咋，動作同普通瑜伽冇咩分別。何永賢做緊瑜伽嘅時候全程面帶微笑，做緊上半身動作仲顯得游刃有餘嘅佢，過咗大概5分鐘進行腿部動作嘅時候，就開始微微喘氣啦，結束之後又同後面一齊做瑜伽嘅小朋友拍手添，連影大合照都要擺個瑜伽姿勢。 只係着件螢光色嘅衫，點解要叫「螢光瑜伽」？原來係因為呢個活動以螢光做主題，何永賢話係屬於香港夜繽紛其中一個項目，又話呢個活動喺屋邨搞，市民放工換件衫就可以參加咁話。而呢個活動以運動做主題，何永賢話可以同全民運動拉上關係，自己要埋位親身參與啦。 
|
||
|
|
|||
