低層單位水壓及坐廁水箱問題

Amy138

低層單位水壓及坐廁水箱問題

沒上樓前，一直住村屋，所以不知道住大廈低層，是否會有以下水壓問題？

1：我住極低層，用電熱水爐，不到半年就壞咗，call師傅整，用咗$1500，話係低層水壓太大問題，所以爐底板燒咗，要換底板加減壓器，但因為裝咗減壓器，沖涼時水不可以開太大，要保持一個開水位中間度，如果唔係會係沖涼時出水會時凍時熱?（唔知大家明唔明我講咩？又唔知大家有無辦法教我解決呢？謝謝大家先）

2：坐廁水箱早2個月前開始，沖水時會唔識得在水箱滿水時停止，一開始覺得奇怪，以為水泵壞咗，但又唔係，觀賞咗2個月，它是時好時壞，感覺完全睇水箱大佬心情決定，所以今日忍唔住趁放假，去買咗一個新配件換咗它，希望換個新配件唔會再有呢個問題出現。

helloeverybody

2，有趣的描述

blyyoho

觀賞咗2個月……

Colala

有冇考慮改用煤氣熱水爐？

Winki123

我都是住極低層，可能用煤氣熱水爐，暫時沒問題。
廚房裝濾水器時，師傅話要裝減壓器，否則容易壞。
至於座廁水箱問題，我暫時沒有不會自動停水的情況，你是否應聯絡房署維修一下呢？因房署是包座廁維修的，有可能要更換新的。

debut

1. 可以較慢啲？

今晚打tiger

叫房處調下大廈食水減壓制

Winki123

回應 #7 今晚打tiger

如全棟大廈裝減壓器，會影響全棟大廈住戶的水壓。低層如有電器經水管出水而裝有電路板的 (例如電水爐、電淨水機)，水壓過大會燒電路板，所以要裝減壓器。
並非每戶都用這些電器，所以自行選擇安裝較理想。

Marco林

冷巷個大掣調較細啲得唔得呢？

…攞個刷教訓佢！

Ho1

1. 住過公屋22樓同7樓單位,電熱水爐時冷時熱其實都正常,即使同屋廚房開水喉都會令冷水喉入水少咗而變高溫,反而因為水壓而燒底板都係第一次聽到。
2. 個人估計係封水個軟膠塞老化或者條連桿鬆咗走位,所以塞唔住而漏水。小弟唔知和田邨係咪高位水箱,如果容易開蓋檢查就最清楚。