終於收樓啦！
流程：
- 開車到青衣路停車場門口，登記車牌、單位號，自行搵平台泊車位，話可以停30分鐘，其實係……（你明的）
- 到管理處外乒乓波枱登記及檢查收樓文件，攞戶主聯絡表格，需時約5分鐘
- 填好聯絡表格，自動轉賬（如適用),
交管理處攞籃色『籌』，收樓流程跟尼個籌號，需時約10分鐘
- 聽籌號入管理處比管理費，i) 4月所需費用，ii) 入伙通知書所需費用，需時約15分鐘
- 聽籌號到最左間房，簽名所需文件，如遷出通知書……等，主任講解入伙同遷出舊居資訊，需時15分鐘
- 到收匙處排隊聽籌號，4戶（每戶一人做代表）入管理處保安經理（Apple 姐）講述入伙流程，會派發 i) & ii) 收據，2x住戶証，8條鎖匙（閘、大門、信箱）
之後可進入屋苑大堂，門口保安會要求出示住戶証先比上樓，但亦詢問單位號（有點不合理），個人認為有可能為承仔攞資料。
好啦，可以上樓到新居，相信好快會有人（承仔）問你需要裝嗎！
附上少量相片加上呎吋（請自行判斷準確性）
祝大家收樓順暢，安居樂業！
