最近一直都開始緊配屋程序，一接受左就要諗點樣翻新入伙。對住間「清水樓」都唔知點着手搵師傅油油、搞地板、買基本傢俬電器、熱水爐、掛窗簾個「通」。
1. 我係體恤安置突然成功嘅個案，之前都就係租屋，睇樓一見係「清水樓」真係唔知點算，有冇師兄可以教路點樣一步一步咁樣搞掂公屋入伙前期嗰啲翻新工程？有冇啲鋪係一站式可以搞掂？定係廁所、廚房、廳等都要各自搵唔同範疇嘅師傅？我連去邊度搵師傅、搵邊啲師傅搞都唔知??
2. 另外，經濟本身有困難，入伙都係以「住得人」就算。計埋房署嘅翻新津貼、社署傷殘綜援比上公屋嘅人嘅錢，總共都係得個～15000，想請教吓大家建議有乜方法可以用呢個預算搞掂搬新屋既搬運費、買基本傢俬電器（床褥、床架、熱水爐、窗簾軌道、花灑、抽氣扇），油油（地板暫時將就吓買地膠就算）？聽聞有啲社福機構好似有二手免費傢俬送，免埋運費，請問有冇人知道詳情？ 感激不盡！
