首先等職員叫該時段嘅家庭入去登記，然後會俾兩張紙，一張係心水名單紙，另一張係你家庭人數，同現時公屋嘅面積，大家同時入去揀樓室睇單位資料，一齊填心水名單，最多填12個，大約有7-10分鐘，然後入另一間房等職員點號碼同講解流程，之後按號碼次序遂個入去見主任，號碼後面有M字即係+1嘅意思。每段時間大約有20組家庭，入去見主任時，佢會同你對你心水名單有冇被前面號碼嘅家庭揀走，如果12個名單都不幸被揀走，咁你仲有後備心水名單，都可以再揀，所以要事先做定功課，以免唔夠時間再排心水單位次序，因為見主任大約只有5分鐘時間，一旦確認咗該單位，就唔可以再更改，揀完你要嘅單位後，等配房信，我9號揀樓，配房信係17號去該屋邨簽約，3月3號起租，如果單位係已翻新完，會俾埋鎖匙你，簽約要俾單位租金按金+2個月嘅租金。
祝大家揀到心水單位！
