新移民單親婦控訴房署

vvy00

新移民單親婦控訴房署

大家有乜感受，同意佢可打尖嗎？

東張西望丨內地單親媽為公屋加名波折重重 港夫等到癌逝妻控訴房署冇酌情處理

今日（19日）《東張西望》接獲一名內地新移民梁太報料，指自己面臨被房署收回公屋單位。梁太2014年於內地結識來自香港的梁先生，梁太本身是一名單親媽媽與前夫育有一女，她與梁先生拍拖幾年後於2018年在香港註冊結婚，之後申請單程證來港。但去年10月，梁先生發現腦部有腫瘤，被診斷為腦癌，梁太以雙程證來港照顧丈夫，但卻遇上連環不幸事件。

梁氏夫婦經社工協助申請綜緩，更獲安排體恤安置上到公屋。

但由於梁太未有香港身份證，因此公屋單位的戶籍只得梁先生一人。

梁太獲發行街紙想加名入現居的公屋，但房署不受理，要求梁太出示身份證。

梁先生後來腦癌復發，情況嚴重要留醫，而且命不久矣，梁太得到身份證後，隨即到房署公屋想加名入現居的公屋，但房署要求戶主本人到場辦理手續。

梁太向署方說明丈夫病情，稱可酌情處理派工作人員到醫院見戶主梁先生作見證，但先要醫生證明書證明戶主梁先生因留醫而未能外出。

由於梁先生患病期間一直想見女兒，曾請醫生寫證明書給入境處，證明梁先生病重希望讓女兒盡快來港探望，梁太將本來給入境處的醫生證明書，交給房署作證明望盡快安排房署人員到醫院見梁先生作見證再辦理公屋加名手續。

但房署表示該份醫生證明非寫給房署而是入境處，所以不接納。房署建議戶主梁先生親自到房署辦手續，要求令梁太感到荒唐，因為梁先生病重在床根本難以出院。

梁太後來獲發身份證，再帶同一封有丈夫梁先生手印的授權書及另一封醫生證明書到房署辦手續。

但由於醫生證明書寫到梁先生狀況不太好，更有時會意識不清醒，房署主任不獲批加名，又通知梁太萬一梁先生離世，公屋單位將會被收回。​

不久後梁先生離世，梁太於內地的戶籍亦已被註銷，公屋又隨時被收回，只能不時致電房署詢問情況。

《東張西望》主持吳幸美即場陪同梁太致電房署，但房署人員只不斷重複正處理當中。

房署事後書面回覆《東張西望》，指事主因未能提文戶主簽署的文件以完成加名手續，因此未能處理有關申請。房署指，如事主有需要可轉介其他相關部門協助。

梁太指，現居的公屋單位有很多與亡夫的回憶，又拍答應了亡夫要好好照顧女兒，將來計劃接女兒來港同住，希望可以保留公屋。

ThomasLo2018

要上東張攪大佢至有公義的

Shara

個女系前夫嘎，，她同男人除咗婚姻仲有咩呢，醫生信上寫明精神狀態欠佳，如果甘都受理，甘真系好多野都因為她呢個案列輸曬哦，掙家產果d，個個去拎手指模就死咯。

我係女仔

東張差唔多單單都係大6 女人喊住要呢樣個樣， 如果比佢哋成功， 咁樣落去個個搵東張扮可憐就乜都得， 好想投訴東張， 用下腦分析先報道啦，尋晚個女人仲要講到佢辛辛苦苦幫老公攞間公屋， 申請綜援， 佢哋啲手段真係叻到不得了！
放且得嗰幾個月，仲要嗰時佢老公後期都係住醫院，醫院同劏房先係佢回憶啦

hohimhim

醫生寫神志不清，甘果個手指模未必得！

vvy00

回應 #4 我係女仔

輪椅都買唔起......睇完真係心噏，人地單人排隊排10幾年，佢老公已經拎左綜援，仲獲體恤安置上左公屋，佢嗰時都未有身份證，咁都有得好講......
擺到明因為佢唔係永久居民，根本冇資格申請，等到佢係永久，已經7年後，若單人申請，起碼排10年左右，計計下，佢到時應該都50有幾了吧，慘慘豬！
個女人一拎身份證就想上公屋，得一想二，遲下申請埋綜援，再將前夫個女變身香港人......
如果佢真係成功上到公屋，我真係唔知講乜好！

mwleungflora

唔覺得好可隣, 佢可以住返劏房，重新排隊先最公道

andylouislau

在情上係值得同情既，結婚到宜家4年時間，開心家庭突然破滅，體恤安置都算係有個安樂窩,
在理來講，香港地好多不同申請公屋情況，有人申請地死都未有公屋，有人被收回單位，好難判斷佢是否逼切需要及公平使用，我相信好多申請人都有唔同問題需要體恤安置及想，早d上樓，總結:人都死左，都要生活落去，見步行步啦，唸下如果公屋被收回，下一步要點做，鄉下個女既前途緊要定邊樣緊要，慘係好慘，但慘唔係一個結局，只係一生一個過程。

美麗港灣w1

回應 #4 我係女仔

全中重點

vvy00

回應 #8 andylouislau

我完全唔覺得佢值得同情，點解一定要喺香港生活，佢老公走左，佢又冇錢，佢前夫個女又係喺內地長大，又要花時間、精神、金錢去適應（咁人地前夫都會好掛住個女㗎），講得難聽D，黎香港乞食咩！