妻子未能趕及丈夫病逝前加戶

楊管

妻子未能趕及丈夫病逝前加戶

丈夫腦癌病逝新移民妻哭訴不獲公屋加名
網民不領情：房署要企硬

無線節目《東張西望》昨晚19日報道一宗關於內地婦哭訴房署機制欠靈活…致患癌丈夫病逝仍無法在公屋加名的事件…一度引發網民熱議。事件中的主角梁太…於節目中指8年前與丈夫於內地認識…在2018年結婚…丈夫之前一直租住劏房…直到去年因患上腦癌…被房署以體恤安置形式特快編配了一間公屋。期間…梁太除了中港兩邊走…既照顧丈夫…又要到房署為加名一事奔波…惟直到丈夫病逝…其加名申請多次被駁回…署方其後更向她表示要將公屋收回。

「我作為佢唯一合法妻子…我長時間咁樣照顧佢…申請公屋都好艱難…嗰吓話我冇身份證…而家我有身份證喇！佢在生時你唔畀我加名…我唔知係咩原因囉！」

婚前已育有一女的梁太…指與丈夫於2014年內地相遇…丈夫不但毫不介意…更愛屋及烏…對其女兒視如己出…4年後雙方更決定共諧連理。惟好景不常…丈夫於去年10月發現腦部有腫瘤…梁太只好持雙程証來港照顧丈夫。由於丈夫進行開腦手術後…身體出現後遺症…無法再如常行走及工作…於是經社工安排下…他們以體恤安置形式…於今年6月搬入長沙灣邨公屋。

惜禍不單行…梁生的腦腫瘤於今年11月初證實復發…梁太指由於當時丈夫病情已十分嚴重…無法再離開病床…於是自己於11月16日獲批香港身分證後…2天後她便獨自拿著有丈夫手印的授權書及醫生證明信…到房署處理加名事宜…但房署職員卻以醫生證明信上寫梁生由11月8日開始…精神情況不太好為由…拒絕其申請。署方其後更建議…叫梁生親臨處理…令她狠批署方完全不近人情。

「我先生個陣已經戴住個嘢(插喉)…我話呢件事我做唔出…要佢出院我做唔到！佢(房署職員)話咁冇辦法…要佢(梁生)本人嚟！我話求你可唔可以過嚟醫院…酌情處理…佢(房署職員)都話做唔到！」

由於病情惡化很快…梁生最終未有接受任何治療…便於同月25日與世詳辭。由於公屋戶籍只有丈夫的名字…擔心被房署收回單位的梁太…於節目尾聲時…聲淚俱下表示公屋有不少老公生前點滴的種種回憶…故十分希望保留公屋…亦非常憂心署方最終會將單位收回…令已於國內取消戶籍的她及小女兒流離失所。

《東張西望》其後曾聯絡房署…署方僅回覆指…由於梁太不符合申請加名要求…故未能同意其申請…又指如有需要…可轉介梁太入住臨時收容中心。

節目播放後…於網上隨即引發熱議…不過…網民卻似乎對事主遭遇並不賣帳…罕有地一面倒批評女方…質疑她有何理由認為自己有資格於公屋加名…批評她「有乜資格攞公屋」､「全程強調公屋公屋…完全睇唔到佢有幾愛佢老公」､「如果咁都比佢拎到間公屋…真係對香港人不公」､又指「香港人…自己申請咗好多年都未必有得上樓」...

配房組

呢D CASE 已經唔係第一次

wtk7213

法都係人情

Zbaby

咪自己再申請囉個個都係自己申請

您旺旺

換器官都可以話特事特辦，黎啲民生小事，都不用搞咁多野啦！特事特辦應該一視同仁，方可令香港市民信服

as222

揾到東張報道出黎，房署應該會跪低 ，畀間公屋佢往。

微風細雨

公平對待

ivanyip81

好同情，但現實歸現實⋯
再講⋯如唔係佢先生病重邊有可能咁快有屋，再換個角度看 能趕及拎身份證都萬幸了，節哀順變啦！

JW1229

案件值得同情, 但現實中房署是否有條例指引, 恩恤特快的公屋, 加名轉名有限制?

宜家間公屋幾大計幾多戶籍? (因此先生要坐輪椅出入, 可能批左3-4人單位); 宜家先生去世,只得兩母女, 就算比返屋都換返正常1-2單位會較公平呢!?

ivanyip81

再補充樣野⋯
我大約十年前同阿爸2人排公屋，都進入S4階段了，阿爸急病走左⋯我又可以點？唯有認命，等將來結婚後再排，直到而家我仲排緊！